Ribadeo 17-11-17. A compañía compostelá presentará o seu segundo espectáculo, recoñecido cun Premio María Casares na edición de 2016, o vindeiro domingo 19 de novembro ás 17.30h. no Auditorio Municipal Hernán Naval.
Matrioshka Teatro, a compañía de Anabell Gago, Lorena Conde e Chelo do Rejo, iniciou a súa andaina co espectáculo C’est la vie, estreado en 2013 baixo a dirección de Marta Pazos. En 2015 lánzase á produción dunha segunda montaxe, Manawee, dirixida por Uxía P. Vaello na que falan dese momento da infancia no que as cousas están a piques de cambiar para sempre.
Manawee é un espectáculo recomendado para público a partir de 8 anos onde cativos e adultos se emocionan, rin e se decatan de que esas cousas que sempre creron que só lles pasaban a eles, son compartidas. O público descobre un espectáculo de creación contemporánea sobre o concepto fundamental da emoción que pon o foco neses momentos de cambio na vida polos que pasamos inevitablemente.
Manawee estreouse en outubro de 2015 e, ata a data, puido ser vista xa por milleiros de espectadores que louvan o espectáculo pola súa forza, audacia e alegría.
Amáis da opinión entusiasta do público, Manawee foi merecedora de catro nomeacións aos Premios de teatro María Casares na súa pasada edición, unha delas para o traballo de maquillaxe da boirense Trini F. Silva. Na gala de entrega dos premios celebrada o pasado mes de marzo recibiu o recoñecemento á Mellor música orixinal composta por Mónica de Nut, Vadim Yukhnevich e Javi Bermejo.
O domingo 19 de novembro quen se achegue ao Auditorio Municipal Hernán Naval de Ribadeo embarcarase nun proceso de descubrimento en compañía, nunha viaxe ao corazón dos sucesos de todos os días, nunha ollada con lupa ás cousas que pasan nunha etapa de grandes cambios. Nunha exploración do que é, probablemente, o primeiro deses momentos de inflexión dos que somos realmente conscientes. As artes de Manawee transportan ás espectadoras e espectadores nunha peza de teatro chea
de humor e poesía na que as súas preocupacións esenciais se debuxan con cores moi
diferentes ás vistas ata o momento.
O misterio do teatro cos seus escondites, a tramoia á vista, as tripas do escenario visibles para
o público… o espazo do teatro, coma o interior de cada unha de nós, irase desvelando.
Ficha artística:
Intérpretación: Anabell Gago, Lorena Conde e Chelo do Rejo
Dirección e dramaturxia: Uxía P. Vaello
Axudantía de dirección: Borja Fernández
Texto: Lorena Conde
Deseño de vestiario: Uxía P. Vaello
Xastrería: Vaello
Coreografía: Uxía P. Vaello
Música: Mónica de Nut; Javi Bermejo; Vadim Yukhnevich
Escenografía e atrezzo: Lorena Conde [Maraña]
Maquillaxe e perruquería: Trini F. Silva
Iluminación e son: Javier Quintana
Fotografía: Inés Salvado
Vídeo: Vemo.TV
Deseño gráfico: Lorena Conde [Maraña]
Produción: Anabell Gago e Belém Brandido
Distribución: Chelo do Rejo e Anabell Gago
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
