Mondoñedo, 28 de novembro de 2017. O grupo municipal do BNG denuncia deficiencias e abandono en varios puntos da cidade.
1º- Un tramo da antiga N-634, entre a Travesía de Carlos Folgueira e a avenida das San Lucas, leva varios días con problemas no alumeado público. Segundo o grupo nacionalista este é un servizo básico que compre arranxar, “hai uns vinte puntos de luz que non funcionan e que deixan todo o tramo as escuras”.
2º- As obras de arranxo da beirarrúa da antiga N-634 á altura de San Lázaro non están sinalizados nin balizados. Os veciños e veciñas da zona quéixanse de que ademais de ser unha zona na que pola noite hai pouca luz, faise moi perigoso camiñar debido aos obstáculos que hai no solo a causa das obras.
3º- Excrementos de cans nas beirarrúas da cidade. Para o portavoz Nacionalista, Eloi Cabanas, esta situación repítese en moitas rúas do casco, ”estas rúas son estreitas e faise moi difícil camiñar ou levar un carro de bebé sen pisar unha desas feces” e creen que a regularidade coa que pasan os servizos de limpeza non é suficiente e que o concello, por medio da Policía Local, debería ser máis exhaustivo á hora de sancionar aos propietarios dos cans que non recollen os excrementos do chan.
4º- Mala imaxe das canles do Barrio dos Muíños. O BNG pide que se limpen de maleza as canles para corrixir o aspecto de abandono que presentan. O voceiro nacionalista declara que esta situación foi denunciada en varias ocasións polo grupo do BNG e que o goberno de Elena Candia non é capaz de solucionar xa que segundo o edil nacionalista “isto non se soluciona limpando as canles só unha vez ao ano”.
Para o BNG, “non é de recibo” que o goberno de Elena Candia pida a colaboración e a implicación de todos os cidadáns mindonienses, para que Mondoñedo sexa incluído dentro de “Los Pueblos más bonitos de España”, e logo que o goberno non sexa capaz de dar exemplo mantendo os espazos públicos nun estado decente e nas debidas condicións de limpeza que merecen veciños, veciñas e visitantes da cidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
