Lugo, 28 de novembro de 2017. O Pleno da Deputación aprobou este martes, cos votos a favor de PSOE e BNG e o non do PP, a proposta do Goberno Provincial para instar á Xunta de Galicia a elaborar un plan de impulso ao medio rural participativo no que se inclúa a todos os axentes implicados e que estea dotado de orzamento nas vindeiras anualidades para poñer en marcha medidas que freen o abandono do rural. (axúntase a moción cos acordos acadados).
O voceiro do Goberno da Deputación, Álvaro Santos Ramos, apuntou que “o abandono do medio rural é un feito totalmente constatable, que provén da falta de planificación e estruturación do entorno natural por parte das administracións coas competencias directas na materia. Dende o Goberno da Deputación non vemos ao rural como un problema senón como unha oportunidade. Débense pór en marcha políticas encamiñadas a dotar ao rural de, cando menos, os mesmos servizos que as zonas urbanas. Deste xeito, conseguiremos revitalizar o noso rural, ofrecéndolle á cidadanía oportunidades de emprego coas que conseguir un maior asentamento da poboación”.
O voceiro subliñou que “o rural lucense enfróntase principalmente a 3 problemas: renda, acceso a servizos básicos e o abandono. Para facer fronte a eles, é preciso poñer en marcha un plan de investimentos, servizos e innovación, que vaia acompañado de accións transversais que melloren as oportunidades de vida no rural. Para elo, defendemos a necesidade de facer un deseño sostible do noso territorio, que conxugue o entorno natural coa sociedade”.
Actuacións transversais
Santos Ramos destacou que para facer fronte á problemática existente no rural galego cómpre actuar nos seguintes eidos:
– Política Forestal: “A Xunta de Galicia, como administración pública con competencias, debe detallar a política forestal e de ordenación do territorio que facilite e promova a convivencia coa sociedade. Non podemos permitir continuar co estado de total abandono dos nosos montes, cheos de xestas e toxos, ou que haxa plantacións de pinos a escasos metros das casas; que só serven de pasto para os lumes, tal e como vimos recentemente”, destacou.
– Meteoroloxía adversa: “O Goberno Galego ten que poñer en marcha medidas reais encamiñadas a paliar de forma totalmente solvente os efectos meteorolóxicos adversos, como as secas, granizo ou os lumes”.
– Control da fauna salvaxe: “Non podemos permitir que os animais salvaxes continúen a danar as explotacións que se atopan preto das casas, sobre todo se non existe ningún tipo de compensación para os produtores”.
– Maior atención a gandeiros e agricultores: “É necesario que a Xunta de Galicia ofreza a través dos fondos FEDER durante os período 2020-2026, axudas que atendan ás necesidades reais de agricultores, reforzando, por exemplo, as rendas”.
– Impulso da implantación tecnolóxica: “O nosos rural precisa dunha electrificación axeitada e unha banda larga de internet que garante unha conectividade semellante á das zonas urbanas, para facilitar a posta en marcha de novos modelos de negocio”.
– Dotación de servizos básicos: “Cómpre mellorar, por exemplo, os servizos sanitarios do rural, pois non podemos permitir que os veciños dos Concellos máis pequenos se teñan que desprazarse para recibir atención médica; así como o ámbito educativo, facendo accesible aos pícaros do rural unha escola preto da súa casa”.
– Revisión de multas e impostos inxustificados: “Os Gobernos do PP en vez de facilitar a vida no rural, pon paus nas rodas no día a día dos veciños. Fíxoo a través do catastrazo, obrigándoos a pagar máis; ou coas inspeccións de traballo totalmente inxustificadas en eventos culturais e sociais tan importantes como, por exemplo, a matanza do porco”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
