Ribadeo, 4 de novembro de 2017. O portavoz do grupo municipal do Partido Popular no Concello de Ribadeo, Jesús López Penabad, anuncia que a Xunta de Galicia contempla nos presupostos para o próximo ano unha partida de 100.000 euros para a rehabilitación da estación de autobuses. López Penabad asegura que a administración autonómica leva investido 3 millóns de euros no municipio ribadense no que vai deste ano.
Jesús López Penabad manifestou que “a semana pasada había unha nota de prensa do alcalde de Ribadeo dicindo que ía amañar a avenida Ría de Ribadeo, a entrada por Vilar onde está á área comercial, do cal nos alegramos moito porque cremos que é moi necesario darlle unha entrada digna á vila”.
Para o portavoz do PP no Concello de Ribadeo “deben de estar chegando as eleccións porque empézase polo menos a anunciar obras, a ver se é verdade e se fan. Creo que é necesario, é unha das entradas principais de Ribadeo e é preciso adecentala. Falaban de que ían soterrar as liñas eléctricas que hai por alí, poñer árbores, mellorar as beirarrúas e demais. Poñía 380.000 euros a Deputación e 130.000€ o Concello e dicía que outra vez a Deputación é a que máis inviste en Ribadeo”.
López Penabad dille ao alcalde de Ribadeo que “xa está ben de mentir ou de ocultar a realidade. A Deputación investiu na residencia e inviste periodicamente en Ribadeo, como ten que facer en todos os concellos da provincia de Lugo, e en Ribadeo, coa entidade que ten, supoño que terá que investir un pouco máis, aínda que só sexa por poboación e por necesidades”.
O edil popular di que “a Xunta de Galicia tamén ten obrigación de facelo e investiu no que vai de ano 3 millóns de euros en Ribadeo. E para o exercicio do ano que vén nos orzamentos está contemplado rehabilitar unha obra que se fixera na época na que gobernaba o PP e na que o alcalde era o señor Andina: a estación de autobuses. 100.000 euros veñen para rehabilitación da estación de autobuses, que boa falta lle fai”.
Jesús López Penabad engade que a Xunta de Galicia “tamén destina 244.00 euros para a rehabilitación de vivendas no casco histórico de Ribadeo, polo que é evidente que sigue investindo en Ribadeo”.
O voceiro do PP diríxese ao alcalde: “eu xa sei que vostede pode disfrazalo, pode dicir que son fondos europeos ou o que sexa, pero a realidade é que as cifras non menten; isto está publicado e pódese comprobar perfectamente. Entón cando di que é a Deputación a que máis inviste non é certo, porque a Xunta, da que tanto se queixa vostede, é a que máis inviste en Ribadeo, é a que terá que investir máis, pero faino. Polo tanto a cada un o que lle corresponde”.
O PP anuncia que a estación de autobuses de Ribadeo será rehabilitada cun investimento de 100.000 euros da Xunta
-
-
SeguinteAs instalacións do servizo Opel, en Ribadeo, foron hoxe escenario do curso de pintura de automóbiles, que organizou APAGA e ao que acudiron unha ducia de mestres de automoción chegados desde Avilés, Santiago, Ponteceso, A Guarda e Verín ademais de Ribadeo, así como técnicos de empresas desta localidade e tamén de Barreiros
Relacionado
-
A conselleira subliña en Meira que a rede de oficinas rurais é “fundamental para quen vive e traballa no rural”
-
O PSdeG de Abadín denuncia que goberno local incumpre as bases do Plan Deputación ao non instalar os carteis obrigatorios nas obras financiadas
-
O PP lucense coincide co sector empresarial na necesidade de adoptar medidas en materia enerxética, da fiscalidade, da innovación e do talento para “favorecer a competitividade da provincia”
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
