Viveiro 27-12-17. A poucos días de rematar o 2017, desde o Centro Comercial Casco Histórico de Viveiro facemos balance de tódalas actividades levadas a cabo dende a Asociación ó longo deste ano.
Foron moitas as iniciativas postas en marcha, con gran aceptación por parte dos clientes, como a campaña do 20% de desconto ou Shopping Weekend, campaña de Rebaixas de verán e inverno, San Valentín con decoración de globos en tódolos negocios, o Día do Pai co sorteo dunha fantástica aventura con Papá, o Día da Nai co sorteo dun espectacular diamante, a Feira de Stocks, o Black Friday, o PrerresuFest con concertos na rúa e coa exposición da historia do festival, o concerto benéfico en favor de West Papua, as visitas guiadas de Semana Santa co historiador Suso Martínez, Teatro na Rrúa ca Troita do Miño, e fomos ó cine con Psiconautas, gañadora do Goya a mellor película de animación. Tamén participamos no Sorteo da Fcam con 10.000€ en premios, a camapañ de Os Días Azuis da Dirección Xeral de Comercio, e Merca e Gaña polo Nadal da Diputación de Lugo. Temos Juepeo (os Xoves en Viveiro Tapeo) ó largo de case todo o ano, e o Concurso de Tapas anual que atrae xente de toda a provincia. E para rematar o ano convertimos Viveiro en referente para visitar e mercar este Nadal, a decoración de rúas con luces, fío musical con panxoliñas, abetos naturais e alfombras vermellas vestiron as nosas rúas creando un ambiente moi festivo. Pusimos na rúa 100.000 rascas con 3.000€ en premios, 150.000 números para o sorteo de 3 soldos de 1.200€. A Casiña de Papá Noel que despois se convertiu na Casiña Solidaria para recoller alimentos e xoguetes en colaboración con Cáritas. E pasado o Nadal, reforestaremos os abetos no monte San Roque cos nenos dos colexios da zona.
Son máis de 30 campañas con 12.000€ en premios en vales de compra e 3.000€ en premios físicos.
Todo esto coa fin de reforzar o compromiso cos nosos clientes e asociados, transmitindo o necesario que é mercar no comercio local e as vantaxes que supón. Trátase de poñer en valor as compras no comercio tradicional, onde o trato é persoal e próximo, con asesoramento profesional, artigos de calidade e a prezos que poden abarcar todo tipo de petos, e o máis importante, están aquí ó lado, sen necesidade de desprazamentos, ofrecendo algo que en ningún outro lado poden ofrecer: un Centro Comercial Aberto que invita a pasear, disfrutar das súas rúas e do aire libre.
Pero non nos centramos únicamente en campañas promocionais, senón que ó largo do ano prestamos apoio e colaboración a distintas organizacións da zona que realizan actividades culturais, deportivas, medioambientais ou proxectos sociais. Tamén colaboramos coa Policía Nacional co Plan de Comercio Seguro.
Elaboramos a Tarxeta Sport Play para apoio ó deporte base do municipio, repartindo máis de 5.000 dípticos comerciais nos hoteis e oficinas de turismo da zona, e xestionando cantidade de ofertas de emprego para negocios asociados.
As novas liñas de traballo pasan por impulsar a unión de todo o comercio vivariense, para lograr unha Asociación máis forte e afianzar o peso que ten en tódala comarca, sendo un referente comercial en moitos quilómetros á redonda. Así se veu reflexado no último mes, no que se uniron 15 negocios máis, chegando a ser a día de hoxe máis de 140 asociados.
A Viveiro chegan clientes de toda a Mariña e Ortegal, atraídos pola gran oferta comercial, de servicios e de lecer que ofrece a cidade do Landro. A Asociación seguirá traballando por mellorar o atractivo comercial e o poder de atracción da zona, lanzando novas promocións e servizos tanto para clientes como para negocios asociados.
Dende a asociación, dámobos as grazas a todos os que fixéchedes posible o éxito de todo este ano de traballo… “Entre todos, facemos que o Centro Comercial de Viveiro sexa máis que un Centro Comercial”.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
