As Nogais, 10 de xaneiro de 2018.- A Xunta de Galicia destina cada ano preto de 16 millóns de euros para o sostemento do transporte escolar do que se benefician este curso 8.798 estudantes de provincia e Lugo.
Trátase dun servizo público gratuíto, sufragado directamente pola Administración autonómica e, polo tanto, sen custe para os estudantes de ensinanzas obrigatorias que se desprazan nas ao redor de 700 rutas diarias que percorren vilas, pobos e aldeas.
Ao bus cos escolares das Nogais
Así o explicou, esta mañá, o delegado territorial da Xunta en Lugo, José Manuel Balseiro, quen acompañou a un grupo de escolares das Nogais durante o traxecto que os achega ao colexio de educación infantil e primaria da localidade.
Balseiro xunto ao alcalde da localidade, Jose Manuel Núñez, tivo a oportunidade de conversar tanto cos rapaces como cos coidadores e comprobaron, subidos ao bus escolar, o bo funcionamento deste servizo.
Na provincia de Lugo están en marcha 355 contratos de transporte escolar con rutas diversas sempre adaptadas aos horarios de entrada e saída dos centros educativos e con especial consideración para garantir a mobilidade dos residentes nas zonas rurais.
Importante aforro para familias
“O seu obxectivo prioritario é que os rapaces cheguen ao colexio e regresen ás súas casas no horario previsto. Pero tamén, co transporte escolar, o Goberno galego busca proporcionar un servizo complementario ao estritamente educativo, que supón un aforro para moitas familias e sirve como ferramenta para facilitar a conciliación da vida persoal e laboral”-dixo Balseiro.
O delegado territorial puxo en valor outras vantaxes para estudantes, entre as que destaca a adquisición de hábitos de responsabilidade e puntualidade, maior confianza e respecto á figura do coidador e unha maior socialización. Tamén para as nais e pais o transporte escolar ofrece vantaxes, como por exemplo, reduce a conxestión do tráfico ao redor das escolas, ofrece un mellor control do tempo e un aforro de combustible.
Finalmente as liñas de transporte escolar contribúen a manter un importante número de empregos vencellados ás empresas de transporte concesionarias, operarios de mantemento e administrativo e, sobre todo, as persoas encargadas da condución dos autocares, buses ou minibuses, e tamén as persoas coidadoras que acompañan aos estudantes durante o traxecto unha figura, por certo, sempre presente a instancias da normativa vixente aprobada pola Xunta.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
