Barreiros, 24 de xaneiro de 2018. O Bloque Nacionalista Galego continuou coa axenda de reunións nas parroquias para explicar o contido dos orzamentos municipais en Barreiros. Desta vez, achegáronse á parroquia de San Xusto, no interior do Concello e “unha das zonas máis castigadas pola falla de investimentos do goberno municipal do PP”, aseguran.
Durante a asemblea, na que deron conta das previsións do goberno municipal, constataron as queixas veciñais polo estado das vías municipais e explicáronlles que “estes orzamentos que vén de aprobar o PP prevén investir no mantemento das vías municipais 70.000 euros, menos dun 60% do que prevían o ano pasado -183.400-.”
“Tendo en conta o estado no que está a rede viaria, con camiños e estradas case intransitables, que se recorte no diñeiro que se adica a ela é, ademais dunha irresponsabilidade, a mostra máis clara de que a este goberno municipal o que menos o preocupa son os problemas que teñan as veciñas e veciños”, asegura Ana Ermida.
“Se o ano pasado, con 183.400 euros orzamentados e os ingresos que chegaron doutras administracións que incrementaron esa cifra ata máis de 390.000 euros, non foron quen de adecentar a rede viaria; que é o que pensan facer este ano con unha cifra tan ridícula como 70.000 euros?”, preguntan desde a formación nacionalista. “Non sabemos se o goberno do PP é consciente de que os números dos orzamentos os están delatando: destinan 70.000 euros para camiños e case o mesmo -50.000€- para avogados. Está claro cales son as súas prioridades e preocupacións”, afirman.
“En 12 anos na alcaldía e con máis de 40 millóns en orzamentos, as obras que presenta o PP son ridículas.”
Desde o BNG tamén quixeron aclararlle a Alfonso Fuente que as súas declaracións saíndo ao paso da información aportada polo BNG sobre os orzamentos muncipais “son, ademais de ridículas, facilmente constatables”.
“Se certamente cre que a imaxe que traslada o BNG sobre a situación económica do Concello non é a real, que vaia polas parroquias explicarlle á xente os plans de futuro do goberno municipal para este concello. É máis, convidámolo a asistir ás nosas asembleas -que son abertas- e retrucarnos alí a información que estamos dando, xa que non o fixo no pleno”, expón Ana Ermida.
“O que lle pasa ao goberno do PP en Barreiros encabezado por Alfonso Fuente é que non son quen de vender nin un só investimento decente en 12 anos gobernando nos que xestionaron máis de 40 millóns de euros en orzamentos”, afirman desde o BNG.
“Unha rede de subministro de auga que continuamente está tendo problemas de roturas, fugas, enturbamento da auga, etc. e un depósito de auga non son obras das que presumir. Son dereitos das veciñas e dos veciños que, ademais, levan anos soportando subas nas taxas e impostos”, conclúe a portavoz municipal.
O BNG advirte que o investimento en vias municipais do Concello de Barreiros para o 2018 redúcese en máis do 60% con respecto ao 2017
Relacionado
-
O PP de Vilalba defende que as verbenas dos días grandes das patronais se celebren no centro da vila
-
“Diñeiro público tirado”: O BNG de Ribadeo denuncia que as filtracións continúan no pavillón de Alfredo Deaño
-
A Xunta e Craega afianzan a súa colaboración para impulsar os produtos ecolóxicos da acuicultura galega
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
