Barreiros, 9 de xaneiro de 2018. O Concello ven de colocar tres contedores para a recollida de papel, dous en San Miguel e un en Vilamartín Grande. Desde a Concellería de Medio Ambiente queren facilitarlles aos veciños a posibilidade de reciclar o lixo que se xera nos seus fogares.
O concelleiro de Medio Ambiente, José Manuel Gómez Puente, anunciou que “este ano colocamos tres contedores que nos foron doados pola empresa que recolle o papel. Déronnos tres contedores e valoramos a colocación en sitios un pouco estratéxicos como pode ser Vilamartín Grande, preto da capela do Carme, que aí tamén pode facilitarlle a recollida e a posterior selección de papel aos veciños de Vilamartín Pequeno.Tamén fora demandado un contedor polo colexio de San Miguel, alí pegado ao centro que era pedido polos profesores e alumnos. E por último colocamos outro contedor en San Miguel, na nacional preto do supermercado que hai alí, que creo que tamén é un sitio apropiado para facilitar a selección e o depósito de papel”.
O edil barreirense subliñou que “creo que estamos experimentando un aumento da reciclaxe, a xente cada vez está máis sensibilizada ante os problemas medio ambientais. Tendo en conta que as novas xeracións, dada a educación nos colexios, eu creo que se está cada ano experimentando unha maior recollida sobre todo de papel e vidro”.
Gómez Puente engadiu que “quizais nos plásticos temos que incidir un pouquiño máis porque nos contedores de plásticos hai outros materiais que non son axeitados, entón aí temos que incidir un pouco na educación porta a porta. Pero en papel e vidro a verdade é que si que estamos moi contentos coa resposta dos veciños e veciñas de Barreiros”.
O alcalde, Alfonso Fuente, e o concelleiro de Medio Ambiente supervisaron hoxe os lugares nos que foron colocados os novos contedores para a recollida de papel.
O Concello instalou contedores para a recollida de papel en San Miguel e Vilamartín grande
Relacionado
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
