Ribadeo, 10 de xaneiro de 2018. O Programa de Prevención de Drogodependencias e outros Trastornos Aditivos do Concello de Ribadeo contará un ano máis coa colaboración da asociación ASEDUC para realizar o programa Infórmate… perde o medo sobre a prevención de VIH-SIDA. Traballarán durante 4 sesións no CIFP Porta da Auga co alumnado de Formación Profesional Básica (22 alumnos e alumnas) e durante outras 4 co alumnado de 3º de ESO do IES de Ribadeo Dionisio Gamallo Fierros (61 alumnos e alumnas).
No CIFP Porta de Auga a actividade desenvolverase os días 16, 23 e 30 de xaneiro e o 6 de febreiro. E no IES de Ribadeo Dionisio Gamallo Fierros será os días 12 e 19 de marzo e 9 e 16 de abril. As sesións terán unha duración de 50 minutos.
A responsable do Programa de Prevención de Drogodependencias e outros Trastornos Aditivos, Mónica Fernández Lamparte, sinala que “tras o parón do Nadal retomamos as actividades nos centros de ensino cos seguintes programas: Non pasa nada, pasa algo, que realizamos no CIFP con 22 alumnos de Formación Profesional Básica. Xa levamos 4 sesións e probablemente continuaremos con varias máis xa que estamos a traballar nun programa preventivo sobre o consumo de hachís e marihuana. Prevención de adiccións con e sin substancia (adiccións comportamentais) en todos os centros de ensino de educación Primaria, en 5º/6º curso (centros de Ribadeo, Barreiros, Trabada e A Pontenova). Son 4 sesións nas que falamos do que son as drogas, as adiccións comportamentais (adicción a Internet, as compras, etc), da presión do grupo de amigos-as… (141alumnos e alumnas)”.
E engadiu que “tamén seguiremos con Cinensino. Este trimestre proxectarase a 2º película para alumnas e alumnos de 1º e 2º de ESO dos centros Colexio Sagrado Corazón e IES de Ribadeo Dionisio Gamallo (238 alumnos e alumnas e 11 profesores-as). E continuamos tamén informando dende a páxina de facebook AdiccionsZeroRibadeo, na que contamos con 1.054 seguidores/as”.
ÚLTIMA HORA
- Vilalba acolle ao longo de todo o mes de xuño a XV Bienal de Pintura do Eixo Atlántico, unha exposición itinerante que percorrerá 11 municipios de Galicia e do norte de Portugal e que permanecerá na capital chairega ata o 30 de xuño
- A Deputación sitúa a provincia como referente en biodiversidade na apertura dun foro internacional sobre turbeiras
- Villaverde inaugura o proxecto educativo `Movemento Azul` que conecta a mocidade galega co mar
- O BNG reclama a modernización urxente da liña de largo métrico Ferrol-Ribadeo e a transferencia a Galicia
- Vilalba acolle ao longo de todo o mes de xuño a XV Bienal de Pintura do Eixo Atlántico, unha exposición itinerante que percorrerá 11 municipios de Galicia e do norte de Portugal e que permanecerá na capital chairega ata o 30 de xuño
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local. - O colexio Sagrado Corazón, de Ribadeo, celebrou unha cerimonia de graduación para o alumnado que rematou este curso sexto de Educación Infantil, a súa primeira etapa escolar no centro
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción. - Un coro de 400 nenas e nenos de toda Galicia interpretou este veners en Vilalba poemas da Terra Chá no concerto No bico un cantar
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas. - O Concello de El Franco presenta “Conciliando tu verano rural 2026”
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello. - A XXXIX Travesía Internacional Costa Naviega celebrarase o 14 de xuño, cun percorrido sinalizado de 20 km entre Barayo e Navia pasando por Puerto de Vega e Frexulfe
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia. - O Bar O Faro de San Cibrao celebrou o pasado sábado, 30 de xuño, o seu décimo aniversario cunha xornada especial que reuniu clientes, amizades e veciñanza
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo. - A sala de exposicións de Regalxunqueira, Viveiro, acolle ata o 30 de xuño a mostra Coma sempre da pintora lucense Carmen Prado, artista autodidacta coñecida pola súa obra centrada na figura feminina
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos.
2021 Crónica 3 A Mariña - Implementado por GaliciaDigital