Lugo, 19 de abril de 2018. O Goberno da Deputación ofrecerá formación gratuíta a 15 redeiras para que poidan obter o certificado de profesionalidade. Así o informou o Deputado de Relacións Institucionais, Álvaro Santos Ramos, logo de asinar un convenio por valor de 40.000 euros coa Asociación de Traballadores Autónomos do Transporte, o Mar e as Comunicacións de Galicia (UNIATRMAC) para a organización de tres xornadas divulgativas na Mariña Lucense –Burela, Viveiro e Ribadeo- e dúas accións formativas en Burela coas que acceder ao exame de capacitación para obter o mencionado certificado. No acto tamén participaron a Presidenta de UNIATRMAC, Dolores Somoza Regueiro; o Alcalde de Burela, Alfredo Llano García, e o Secretario Xeral da Federación de Servizos, Mobilidade e Consumo de UGT Galicia, Eladio Romero.
Santos Ramos subliñou que “na actualidade no mercado laboral hai unha elevada demanda de redeiras, fan falla máis profesionais que garantan o relevo xeracional, pero non hai xente coa formación precisa para incorporarse a este sector. Por iso, da man da Asociación de Traballadores Autónomos do Mar, poñemos en marcha accións formativas para atender as necesidades destas profesionais, ao mesmo tempo que defendemos os dereitos das redeiras da nosa provincia”.
O Deputado de Relacións Institucionais engadiu que “somos conscientes da importancia do sector pesqueiro para a Mariña e para o conxunto da provincia. Non en vano, nesta comarca o sector da pesca xera entre 5.000 e 6.000 postos de traballo, tanto directos como indirectos, unhas cifras que falan por si mesmas. Por iso non podemos nin debemos deixar pasar esta oportunidade para xerar riqueza, crear emprego e impulsar a nosa economía”.
A Asociación de Traballadores Autónomos do Transporte, o Mar e as Comunicacións de Galicia facilitou ao colectivo de redeiras o acceso ás accións formativas de confección e mantemento de aparellos de pesca e artes de enmalle durante o mes de decembro de 2016. Actualmente, precisan desenvolver os dous cursos de remate do ciclo formativo, que financiará o Goberno da Deputación a través deste convenio, de cara a poder acceder ás probas de capacitación previstas para este ano.
Estas dúas últimas accións formativas consisten nun curso de cerco (55 horas presenciais), e un curso de arrastre (130 horas presenciais), ambos se impartirán en Burela, pois é o municipio no que existe unha maior demanda. En total son 185 horas e habilitarán aos participantes para presentarse ao exame de cara a optar á cualificación profesional que os acreditará como redeira, esencial para poder exercer esta ocupación.
A estes dous cursos engádense tres xornadas divulgativas que se celebrarán en Burela, Viveiro e Ribadeo, estruturadas en catro módulos temáticos e oito bloques cos seguintes temas: Prevención de riscos laborais; A relación do sector coa administración; O asociacionismo no sector; Réxime xurídico, organizativo e electoral das confrarías de pescadores; Factores ambientais: impacto sobre a explotación marisqueira; Marisqueo e pesca artesanal: Sustentabilidade, trazabilidade e responsabilidade; Explotación de novos recursos; e, finalmente, un haberá un debate sobre a problemática no sector.
700 redeiras en Galicia
As persoas ás que van dirixidas estas dúas accións formativas son mulleres en situación de desemprego ou en precariedade laboral co fin de poder finalizar a súa formación e poder superar con éxito as probas de acceso á titulación profesional do ano 2018. O colectivo de redeiras de Burela necesita un relevo e poder facer fronte á acumulación de traballo que en moitas ocasións acábase facturando fóra da provincia de Lugo ante a imposibilidade de poder efectuar o traballo por falta de man de obra que poida estar legalmente en disposición de traballar. En Galicia as redeiras representan un colectivo que agrupa a preto de 700 traballadoras, sendo a comunidade que aglutina un maior número de profesionais neste sector.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
