Como din, cando está de saír mal, sae mal e punto. Así están pensando esta semana en Génova 13 e tamén en outros cuarteles xerais de outras cores.
No relativo a Cataluña, xa vemos como dende os estados socios europeos, Alemaña e Escocia, están emendando a plana xuridicamente a todos eses “homes de estado” que estaban a punto de facerse o seppuko pola grande afrenta do proceso catalán. Os mesmos que, seguindo unha mala versión de “el arte de la guerra” desbotaron calquera posibilidade de negociación e dialogo, finiquitando a bilateralidade. Cada día están máis cerca de ter que aplicar o Hagakure, se fosen dignos e valentes, que non o son, son tramposos e torticeiros. Queda camiño de desgustos neste conflito para o bloque conformista coa constitución, imos vendo. Para acabar rematando nun acordo que podía ter xa meses de percorrido e que serguro era bon para todos.
En Genova 13, teñen un problema cos titúlos, están enfadados con Ikea. Mercas un marco de oferta e pensas o que pode quedar ben, pois un máster que sempre viste, e ó final acaba nunha apertura de dilixencias pola fiscalía, iso si despois de unha serie de comparecencias dignas do cine de humor francés e os seus enredos. Aínda que coido que onde máis preocupa isto é na sede da rúa Alcalá, esa de cores laranxas, no tema de Cifuentes van ter que posicionarse, complicado moi complicado posicionarse non está no seu ADN.
Mentres en Galicia os conselleiros, piqueta na man, están anunciando a construción de fragatas en Ferrol, como se os orzamentos de M. Rajoy non tivesen que ser aprobados, que cara máis dura. Menos mal que algúns comprometidos con Galicia foron a Bilbao falar das fragatas co PNV, que son os que mandan, e seguro que o Comité de Navantia coñece quen move ficha, imos vendo.
Valle Inclán estaría disfrutando con este esperpento, a realidade supera a ficción: Parlamentos sen prazos, políticos en cadea, Estados corrixindo ó reino de España, títulos que non son, firmas que non son, grandes de España pedindo señoríos contrarios a lei, reinas a salario público enfrontadas, bandeiras a media asta na semana santa, conselleiros soldadores, conselleiros contrapiquetes en folgas, escacha retrovisores aforados, dimisións que non chegan, aves que non chegan e socialistas con fotos de Kennedy no despacho como exemplo de “SOMOS LA IZQUIERDA”. Como di alguén que coñezo, imos morrer todos.
Menos mal que a xente ten sentidiño e debemos traer dignidade á política, a ver se somos quen de levalo á práctica entre todos e todas, Galicia precísao.
Piñeiro Docampo
Sº Xeral de CxG.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
