San Cibrao, 19 de abril de 2018. A Asociación “Mar de San Ciprián” e o colectivo de persoas vinculadas á procesión do Carme da vila sancibrense están a promover a construción dunha nova anda para a Virxe do Carme. Esta nova anda, construída en sapelli e castaño, está a ser realizada por un experto tallista vivariense, e agárdase que poida estar lista para a procesión do presente ano.
Esta nova estrutura procesional será de maior tamaño que a actual, sumamente reducida nas súas dimensións e que facía perigoso o porteo da imaxe, e permitirá a integración de novos participantes, especialmente mulleres, a mellor distribución do peso da imaxe e un incremento da seguridade no tránsito das procesións.
Desde la Asociación “Mar de San Ciprián” buscaron asesoramento para o deseño da anda en expertos vinculados á Semana Santa viveirense e da parroquia local, alén de expertos en arte sacro e imaxinería. Na súa estrutura irán recollidos elementos que pretenden resaltar diversos detalles que aporten referencia ao pobo, á súa historia e ao seu patrimonio marítimo-pesqueiro. Asemade, e en clara correspondencia de relación coa propia procesión, tense incorporado os escudos do pobo e da Orde Carmelita.
Esta nova anda permitirá tamén dar relevo á imaxe da Virxe do Carmen que na actualidade e desde fai máis de cen anos preside as procesións, e que chegou ao porto sancibrense desde Barcelona, onde foi realizada polo escultor catalán José Quixal no ano 1909, sendo transportada ata aquí nun barco veleiro con porto base en San Ciprián e con tripulación tamén deste porto.
Esta nova estrutura de porteo conleva un desembolso de máis de 27.900 euros, que están a ser recadados entre diversas Administracións e organizacións públicas e relixiosas, empresarios, armadores, etc, así como entre a veciñanza da parroquia.
Para facilitar a achega de fondos por parte dos veciños, disponse dunha conta en ABANCA San Ciprián (ES85 2080 0160 4530 4000 7815) na que os veciños e veciñas podan realizar a súa aportación voluntaria.
Desde “Mar de San Ciprián” entendemos a condición deste proxecto en canto a que, aínda en parte enmarcado nun aspecto relixioso, tamén o está no cultural e etnográfico porque aumenta, resalta e pon en valor o noso patrimonio culturale e as nosas tradicións, especialmente nas relativas ao ámbito marítimo-pesqueiro.
A ASOCIACION “MAR DE SAN CIPRIÁN”
A asociación “Mar de San Ciprián” nace o 1 de maio de 2004 co obxectivo de recuperar, manter, conservar e dar a coñecer o patrimonio marítimo de San Ciprían e da comarca da Mariña Lucense.
Este colectivo estaba formado, nun principio, fundamentalmente por persoas ligadas ao mar, estando entre elas boa parte dos integrantes que xestionaron, promoveron e mantiveron vivo o Museo Provincial do Mar de San Ciprián.
Desde a súa creación esta Asociación ten participado en diferentes eventos e realizado varias exposicións relacionadas coa promoción e recuperación do patrimonio marítimo de San Ciprián e da costa da Mariña Lucense.
Desde fai 12 años, a Asociación Mar de San Ciprián, tamén se interesou na promoción e mellora das procesións do Carme sancibrense, facéndose cargo da súa organización. Para tal fin téñense realizado diversos cambios e a inclusión de elementos que a complementasen (bandas de música, uniformidade na vestimenta, organización de porteadores, etcétera) e que teñen dado un resultado moi satisfactorio, especialmente tendo en conta que na actualidade esta procesión se desenvolve dunha forma amplamente participativa, tendo sobre 80 persoas implicadas entre porteadores de imaxes e elementos procesionais.
SAÚDOS, MAR DE SAN CIPRIÁN.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
