Burela 28-4-18. A fortuna non estivo hoxe ao lado do Pescados Rubén Burela FS, que cedeu os tres puntos na pista do Jimbee Roldán (4-1) nun encontro moi disputado e igualado con máis efectividade ofensiva das locais.
O que podería ser o 0-1 para o Pescados Rubén transformouse en 2-0 en contra, na recta final dunha primeira parte moi igualada, con poucas ocasións e excelentes intervencións baixo paus de ambas as gardametas. No minuto 18, o pau evitou o gol laranxa nun gran contragolpe de Dany, que aproveitou o Roldán e sentenciou Mirian. Segundos despois, coa resposta de xogo de cinco para as galegas, Mirian subiu o segundo das locais en rexeitamento do pau tras ocasión a porta baleira. A 17 segundos segundos para o descanso Bea Mateos, como porteira xogadora, reduciu distancias, de rexeitamento.
Regresaron á pista as de Julio Delgado e Lucas moi enchufadas. Jozi, no 26, estivo moi acertada ante Consuelo. Jenny, cun potente disparo, Tai, moi alta, e Dany, á escuadra, avalaron o máis que merecido empate para Burela, antes do ecuador da segunda parte. No minuto 31, a igualada volveu resistirse nun penalti sobre Cilene con lanzamento de Cami, que desartellou Etayo coa perna. O xogo de cinco volveu saltar á pista para as mariñás, no 34, que pouco despois se cargaron coas cinco faltas. Pero a fortuna hoxe non estaba do lado dos intereses do Burela; Mayte Mateo ampliou distancias no 37, a porta baleira, tras unha posible falta sobre Cilene. A 30 segundos do final Vanessa anotou o definitivo 4-1 nun roubo iniciado en pista laranxa.
Ficha técnica
Jimbee Roldán FSF: Etayo, Vanessa, Mayte Mateo, Alba, Consuelo, cinco inicial; tamén xogaron Mirian, Ángela, Clara, Inma Sojo, Bet Carrasco
Pescados Rubén Burela FS: Jozi, Dany, Cilene, Cami, Bea Mateos, cinco inicial; tamén xogaron Lara, Jenny, Tai, Julia Forsiuk
Goles: 1-0, minuto 18, Mirian; 2-0, minuto 19, Mirian; 2-1, minuto 20, Bea Mateos; 3-1, minuto 37, Mayte Mateo; 4-1, minuto 40, Vanessa.
Árbitros: Martínez Flores // Navarro Liza (Murcia). Por Roldán amarela para Etayo, Mayte Mateo, Vanessa. Por Burela amarela para Dany, Lara
Incidencias: Partido correspondente á xornada 26 de Primeira RFEF disputado no pavillón Gabriel Pérez.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
