Burela 14-4-18. O Pescados Rubén Burela FS recolleu esta tarde un empate moi traballado na complicada pista do Software DELSOL Mengíbar (3-3). Os mariñáns remontaron un 3-1 en contra no reinicio do encontro e regresan con 1 valioso punto, co que manteñen os privilexios de play off, nunha xornada na que o Valdepeñas conseguiu o ascenso matemático a Primeira LNFS impoñéndose 4-1 a UMA Antequera.
Os mariñáns empezaron ben e conseguiron adiantarse con Pope tras un saque de esquina, no minuto 11. A vantaxe, no canto de dar tranquilidade nas filas galegas, provocou o efecto contrario, cos seus peores minutos sobre o parqué. Así o Mengíbar igualou a contenda, de estratexia ao segundo pau de Fran Peña (minuto 15). Os locais conseguiron unha notable fenda ao descanso, con Ureña, aproveitando unha perda dos laranxas, e Tortu, nun rexeite.
Regresou un Burela completamente diferente e así se recompuxo. No minuto 22, Pope volveu facer acto de presenza batendo o meta andaluz por arriba desde a banda. Renato no 26 selou o 3-3. Luisma liderou o xogo de cinco nos últimos minutos, con dúas magníficas ocasións de Héctor coas que a fortuna non se aliou.
Ficha técnica
Software DELSOL Mengíbar: Manu, José López, Ureña, Toni, Fran Peña, cinco inicial; tamén xogaron Fede Díaz, Javi Lizana, Tortu, Cobinho
Pescados Rubén Burela FS: Edu, Renato, Pope, Colacha, Luisma, cinco inicia; tamén xogaron Chus, Héctor, Víctor, Hélder, Matamoros
Goles: 0-1, minuto 11, Pope; 1-1, minuto 15, Fran Peña; 2-1, minuto 19, Ureña; 3-1,minuto 19, Tortu; 3-2, minuto 22, Pope; 3-3, minuto 26, Renato
Árbitros: Bardera Bardolla // Do Olmo Martínez (Colexio Vasco e Madrileño). Por Mengíbar amarela a José López, Tortu. Por Burela amarela a Luisma, Colacha.
Incidencias: Partido correspondente á xornada 28 de Segunda LNFS, disputado no pavillón Sebastián Moya Llorca.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
