Burela, 13 de abril de 2018.- “O alcalde e o concelleiro de Cultura deben ocultar algo”, aseguran desde o Grupo Municipal Popular (GMP), “dado que hai dez días que solicitamos determinada documentación e non temos resposta algunha”.
Os edís do PP burelés afirman que, o pasado tres de abril, presentaron tres escritos a través do rexistro da sede electrónica do Concello, solicitando os contratos dos eventos organizados neste mes de abril polo edil de Cultura que precisan pago de entrada para asistir ao mesmos, nada menos que seis. O obxectivo dos populares é coñecer qué contías abona o Concello, cáles son as canles de venda de entradas e quén é o responsable da mesma, pero a entidade local non lles contesta.
“Conclusión: ou ten algo que ocultar e pretende que o GMP non se entere, ou pretende rirse da xente que paga os seus impostos e paga as entradas. O concelleiro de Cultura debería tomar nota do acontecido no último pleno, tomarse isto en serio e trasladarnos toda a información que estamos solicitando”, defenden.
Dende o PP tamén solicitaron o mesmo tres de abril copia do contrato ou contratos subscritos polo Concello coa empresa Atrevia nos anos 2016, 2017 e 2018, dado que o propio concelleiro de Cultura lles entregou unha documentación “paupérrima” (consistente en catro pantallazos dun power point bastante pobre) sobre o que semella que esta empresa está a facer para potenciar a Festa do Bonito de cara a declarala Festa de Interés Turístico Nacional. Asemade, segundo esa “máis que pobre documentación”, esta empresa comezou a traballar para que a entidade local en 2016, pero resulta que na sede electrónica non aparece ningún contrato de ningún tipo subscrito con esta empresa. Por tanto, “se esa empresa está traballando para o Concello sen contrato se está cometendo unha ilegalidade, e se o concelleiro usou o anagrama da empresa para dicir que fai o que evidentemente non fai estamos ante outra ilegalidade”. Todo parece indicar, segundo apuntan dende o PP, que o concelleiro de Cultura “non leva nada feito desde que no pleno de 28 de xaneiro de 2016 se anunciara tal intención, e que todo consiste en dar titulares de prensa que resultan ser mentiras”.
Os concelleiros do PP consideran que “transcorrido este tempo tanto, máis que prudente, e visto que non entregan a documentación solicitada, entendemos que tanto o alcalde coma o concelleiro de Cultura ou ocultan algo, ou pretenden que non nos enteremos. Estas dúas personaxes consideran o Concello da súa propiedade e que poden facer o que lles pete. E visto que o prazo legal para entregarnos a documentación xa rematou, daremos os pasos oportunos para que se nos facilite”, advirten.
“O alcalde e o concelleiro de Cultura ocultan documentación”, indica o Grupo Municipal do PP de Burela
Relacionado
-
Os socialistas de Vilalba destacan que “a boa xestión económica do concello” permite “manter o esforzo inversor e o elevado gasto social”
-
A Xunta licita por 540.000 € a subministración de reactivos e material funxible con destino aos laboratorios de anatomía patolóxica da área sanitaria de Lugo, A Mariña e Monforte
-
O programa Nnabata atende 139 persoas migrantes en Burela no marco do proceso de regularización
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
