Foz 21-04-2018.- Esta semana, dende o PSOE de Foz, xa comunicabamos que se estaba producindo unha chegada masiva de cartas notificando aos veciños que, o Concello, lles reclama o pago dos atrasos da regularización catastral do IBI correspondentes aos anos 2012, 2013, 2014 2015, o chamado catastrazo.
O PSOE solicitou en pleno que non se estendese o cobro a todos os anos non prescritos, sobre todo sabendo como se xestionou este imposto estes anos con subidas xeneralizadas durante catro anos nos que o valor real da vivenda era mesmo inferior ao catastral.
Este sábado vemos na prensa as manifestacións que fai o Alcalde de Foz sobre dita regularización comunicando que, neses recibos, se procede á devolución do cobrado de mais no recibo do imposto do ano 2014.
Dende o PSOE de Foz temos que dicir que dita información e ditas declaracións son cando menos incorrectas. Non se devolve o cobrado de máis no ano 2014. Simplemente non se comete o erro que se cometeu ao emitir os recibos no ano mencionado. Digamos que se fan ben as cousas, aínda que iso está por ver aínda.
Isto so afecta os bens que se regularizaron e que agora mesmo saen ao cobro, pero que pasa co resto dos inmobles que non foron obxecto de regularizacións? Temos que lembrar que o PSOE alertou, en canto detectou o erro, e presentou unha moción para que se procedese á devolución de oficio. Trátase de preto de 200.000 euros que están mellor no peto dos veciños. Os socialistas asistimos atónitos á resposta do Alcalde que, contradicindo o manifestado noutras ocasións, agora di que, deben ser os propios veciños os que soliciten a devolución. Ningunha información respecto diso desde que sabe que cobrou de mais, ningún bando informando aos veciños. Apatía e deixamento por parte dun alcalde máis preocupado por recadar que por facer ben as cousas. O que leva pasado coa contribución en Foz nestes anos, e unha clara mostra da mala xestión do PP e do alcalde Castiñeira.
Á vista das declaracións do Alcalde e sabendo que este ano prescribe o dereito a solicitar a devolución do cobrado de mais, consideramos que sería convinte que o propio concello puxese a disposición dos afectados, un escrito para solicitar a devolución á que lles corresponde e persoal para atender as reclamacións.
Dado que desde o concello non se vai a proceder á devolución do ano 2014, nin hai visos de que se vaia a dispoñer dun servizo de reclamacións para atender aos afectados, o PSOE, xa hai meses que ten a disposición dos veciños un escrito para facilitar o trámite e solicitar a devolución. Dito escrito pode descargarse nas redes sociais da agrupación ou solicitarse na sede local.
Nada ten que ver neste tema a bonificación do 5% que depende da domiciliación dos recibos ou a baixada do tipo de gravame ao 0,52, que se logrou grazas a loita iniciada polo grupo socialista, xa que se aplicaron por primeira vez no 2017, por tanto non afectaron os anos que se regularizan 2012 a 2107. Polo tanto as declaracións do Alcalde vinculando tales rebaixas á regularización son tendenciosas, pois nada teñen que ver.
Os socialistas, cuestionámonos, si ninguén se preguntou se algún dos anos que se reclaman, está prescrito ou mesmo si caducou o expediente. Desde que se iniciou dito expediente de regularización alá polo 2015, ata agora o 2018 no que se emiten os recibos, pasaron máis de seis meses sen ningunha actuación por parte da administración e poden caducar os expedientes de regularización. Non é posible entender que a interrupción da prescrición sexa definitiva se non actúa a administración nos prazos regulamentarios. Motivo polo que, animamos aos veciños, a que recorran alegando esta posibilidade.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
