Escoitelle a Artur Màs nun acto político en Galicia que un 40% das persoas con residencia en Madrid e as Castelas respostaron nunha enquisa que pensaban que os cataláns falaban catalán “por amolar”. Lembrei este detalle hai moi poucos dias, cando un avogado toledano, ao me pedir unha sentenza que gañaramos no Despacho contra un grande banco español engadiu medoñento “no estará en gallego, verdad?”.
Vivimos unha enxurrada de supremacismo españolista alicerzado na lóxica do “a por ellos” que se opón a calquera expresión do dereito a decidir da cidadanía catalá, mais que tamèn-e isto cómpre telo moi en conta fóra de Catalunya- quere deconstruir substancialmente a máis ou menos limitada recuperación nacional acadada polas cidadanías galega, vasca e catalá a carón da descentralización política de 1978. Neste proceso regresivo salienta o neocentralismo de Ciudadanos (Cs), para os que non hai máis problemas que a suposta (e falsa) discriminación do castelán e a suposta necesidade dunha recentralización política que só beneficiaría a eses españois que queren mandar en todo o territorio do Estado sabendo só castelán e sen se achegar á súa realidade plurinacional. Supremacistas.
Este proceso, reflectido nesas bandeiras españolas que ateigan Madrid e outras cidades da Meseta, non se entende sen o seu consorciamento co capitalismo do BOE, refractario á libre concorrencia, que manda na maioría de empresas do IBEX 35 e que permite a expansión sen parada dun Madrid sen máis base produtiva que a súa exacerbada función de capitalidade. Un Madrid que papou case toda a Meseta e ameaza papar os demáis territorios, para eles na periferia, que achegan economía real ao Estado. Un capitalismo de amiguetes, alcerzado nos sectores regulados (distribución eléctrica, banca e grandes complexos construtores-concesionais, nomeadamente) e ciumento de todo desenvolvemento empresarial que faga máis autónomo ao que eles chaman periferia. Un capitalismo de BOE que domina xa os principais media madrileños, que se autodenominan “nacionais”
Para máis, a recentralización económica do capitalismo de BOE e a recentralización política dos supremacistas de “a por ellos” recondúcense á unidade na Coroa. Nunha Xefatura de Estado que o 3 de outubro último decidiu rachar co exemplo da raíña Elisabeth II para ser de parte no canto de ser de todos.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
