Foz 3-5-18. O BNG de Foz levará a cabo unha campaña de recollida de firmas para reclamar a retirada do mastro que soportaba as antenas de telefonía móbil que estaban instaladas no alto do edificio da Telefónica ao lado do Colexio Público Nº1, e para esixir que nunca máis volvan a instalarse nese lugar outras antenas de telefonía móbil ou calquera outro aparello emisor de ondas electromagnéticas que podan poñer en perigo a saúde dos membros da comunidade educativa do colexio e das veciñas e veciños.
Cómpre lembrar que a retirada daquelas antenas fora o obxectivo dunha longa mobilización protagonizada pola comunidade educativa e o vecindario desde o ano 2002, que incluíu a presentación dunha queixa ao Valedor do Pobo, o que obrigou ao Concello a emitir decretos que acordaban a clausura cautelar inmediata das antenas. Os recursos de Telefónica Móbiles contra estes decretos topáronse con sentenzas do Xulgado Contencioso – Administrativo de Lugo e da Sala do Contencioso – Administrativo do Tribunal Superior de Xustiza de Galicia que avalaban a validez daqueles decretos de alcaldía, deixando claro que as antenas de telefonía móbil debían contar cunha licencia de actividade, da cal carecían, por tratarse dunha actividade potencialmente perigosa para a saúde das persoas.
O BNG presentou varias mocións ao pleno do concello solicitando a retirada das antenas e do mastro e que non se concedese licencia de actividade para o seu funcionamento, invocando o principio de precaución diante dos posibles riscos para a saúde da poboación escolar e do vecindario.
En setembro do pasado ano foi aprobada por unanimidade outra moción do BNG que reclamaba novamente a retirada das antenas e do mastro. Seis meses despois, o mastro, xunto con dous dispositivos aínda non retirados, segue no mesmo sitio, sen que o alcalde se preocupe de reclamarlle á empresa que o retire, demostrando así o seu desprezo polos acordos do pleno, mesmo cando son unánimes, como é o caso desta última moción.
O vindeiro sábado, día 5 de maio, ás 12 da mañá na praza de Galicia, instalarase unha mesa para recoller firmas para a retirada do mastro, e volverá a instalarse os próximos sábados do mes de maio. Así mesmo, haberá pregos de firmas no local do BNG para aquelas persoas que non poidan pasar pola praza de Galicia.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
