Viveiro 30-5-18. Os días 30 e 31 de Maio, o Centro Comercial Histórico de Viveiro pon en marcha unha nova campaña en defensa do comercio local. O xoves 31, os escaparates dos negocios asociados ó Centro Comercial amencerán empapelados como si houberan pechado, simulando un pobo sen comercio, servizos, nin hostalaría.
Non é a primeira vez que o Centro Comercial Histórico lanza unha campaña na defensa do comercio local. O pasado mes de Marzo puxemos en marcha “30 días 30 motivos”, unha campaña na que, mediante unha serie de carteis publicados nas redes sociais, destacábanse as ventaxas de mercar no pequeno comercio. No último cartel plantexábase a pregunta “¿qué pasaría si deixásemos morrer ó comercio da vila?” Esta nova campaña ofrece a resposta: peche de negocios, pérdida de emprego, ruas oscuras, vacías e sen vida…
Participarán máis de cen negocios de tódolos sectores, que van dende textil e alimentación a hostalaría e servizos profesionais. O obxetivo é amosar ó consumidor en que medida o comercio de Viveiro dalle vida ó mesmo, crea postos de traballo, colaboran cas festas do municipio e patrocinan actividades das distintas asociacions e clubes, manteñen as ruas iluminadas e cheas de vida, realizan sorteos, premios e gran cantidade de actividades ó longo do ano, e cada vez son máis competitivos.
Para que o comercio local siga vivo, a campaña de concienciación debería realizarse dende o punto de vista de diferentes variables que rodean o funcionamento do comercio local, non só do acto de compra por parte dos clientes senón tamén a implicación dos donos que alugan os baixos comerciais, cunhos prezos de aluguer desorbitados dificilmente se poderán manter abertos os negocios. Os distintos colectivos da zoa.. de que nos serve pedir apoio ó comercio para festas, eventos, rifas para as excursións e un longo etc si á hora de mercar calquer tipo de material o facemos nunha gran superficie ou por internet. E sobre todo desvincularnos da idea de que mercar no comercio local é mais caro.. os negocios levan tempo adaptándose ás novas esixencias do mercado e ós actuais hábitos de compra dando un servizo profesional e adaptado a tódolos petos. Non serve dicir “mercar na vila é mais caro” cando non se realiza unha comparativa de prezos de mercar un determinado artigo aquí ou alá. Haberá en moitas cousas nas que non se poida competir cunha gran multinacional, pero en moitas outras o comercio local é moito máis que competitivo….
O mércores 30 a partir das 21:00 horas todolos negocios que se unen á iniciativa empapelarán os seus escaparates, portas, ventás ou cristales, e apagarán totalmente as luces dos escaparates, así tamén veremos na gran medida na que os negocios da vila contribuen á iluminación das ruas.
Este tipo de actuacións xa se levaron a cabo con éxito noutras localidades galegas. A idea é realizar unha campaña chocante, que contraste con outras iniciativas máis positivas e amables, concienciando ó consumidor de que o pequeno comercio é o que lle da vida ó municipio e das consecuencias negativas da sua desaparición.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
