Viveiro 24–5-18. A campaña escolar “Mares de Cultura, os Nenos e o Mar”, preséntase nesta cuarta edición como unha iniciativa de sensibilización e divulgación dos valores e dos recursos do mar, a través dun completo programa durante os meses de maio, xuño, setembro, outubro e novembro do 2018. Nesta edición, a campaña convertese nun referente de divulgación, consolidándose como complemento educativo dentro do programa de actividades escolares dos centros participantes. Como nas anteriores edicións, o principal obxectivo é achegar as novas xeracións, escolares de primaria e secundaria, ó entorno litoral de A Mariña-Ortegal, para descubrir in-situ a cultura mariñeira, os recursos naturais e as artes e tradicións pesqueiras relacionadas coa pesca artesanal. Persegue ademais, provocar na poboación escolar un cambio de perspectiva cara o respecto do medio mariño e uns hábitos de consumo responsable dos produtos do mar. Ao mesmo tempo, a través desta campaña, póñense en valor as actividades económicas do sector do mar dunha forma sustentable.
A campaña vai dirixida a escolares de entre 8 e 15 anos, dos centros educativos do territorio de A Mariña-Ortegal, en total 800 escolares dos seguintes municipios:
Ribadeo, Trabada, A Pontenova, Barreiros, Valadouro, Mondoñedo, Lourenzá, Foz, Burela, Alfoz, Cervo, Xove, Ourol, Viveiro, O Vicedo, Cariño, Cerdido, Mañón, Ortigueira, Cedeira, Valdoviño, Moeche, San Sadurniño e Somozas.
Cada centro poderá participar nas diferentes actividades da campaña:
•Charla Divulgativa e material didáctico: Cada centro participante recibirá unha charla divulgativa na aula sobre o contido da campaña, a labor do GALP é a posta en valor dos recursos costeiros e a cultura mariñeira da man dun biólogo mariño. Recibirán tamén o material didáctico que serve como reforzo educativo e complemento didáctico da xornada de actividades.
•Xornada de excursións e actividades: Nesta edición contamos cun total de 23 actividades entre as cales destacan varias novidades de grande interese. Cada centro poderá participar con un ou varios grupos dun máximo de 50 alumnos por grupo. Para as xornadas de excursión cada grupo escolle dúas ou tres actividades (dentro do programa adxunto) que máis lle interese realizar durante unha xornada.
•Concurso escolar Mares de Cultura, os Nenos e o Mar 2018: Outra das novidades desta edición é que os grupos e clases poderán participar ademais nun concurso escolar co obxectivo de que as novas xeracións dean a súa perspectiva sobre o mar.
Nesta terceira edición temos un total de 24 actividades divididas en dúas áreas xeográficas, A Mariña e Ortegal:
•Visita ás mariscadoras e a reserva Mariña da Ría de Cedeira.
•Visita á lonxa de Cedeira.
•Visita á Asociación de Redeiras de Cariño.
•Visita á Lonxa de Cariño.
•Visita á Cetaria A Balandra en Cariño.
•Visita á fábrica de Conservas La Pureza en Cariño.
•Limpeza de praias.
•Ruta da natureza Ría de Ortigueira.
•Ruta de observación de aves en Estaca de Bares.
•Museo Mares de Cedeira.
•Visita o criadeiro de corais Reef Water en Viveiro.
•Visita ao Museo provincial do Mar en San Cibrao.
•Visita á Carpintería de Ribeira Francisco Frá en San Cibrao.
•Visita ás Redeiras de Burela.
•Visita á peixería turística O Almacén do Peixe no Porto de Burela.
•Visita á lonxa de Burela.
•Visita ao Barco Museo Boniteiro Reina del Carmen en Burela.
•Obradoiro de especies invasoras.
•Ruta polas praias e as marismas da Ría de Foz.
•Obradoiro de Navegación a Vela no Club Náutico de Foz.
•Ruta en Kaiak en Foz.
•Curso de iniciación ao Surf
•Visita ao CECUMAR- Centro de Cultivos Mariños de Ribadeo.
A primeira actividade levarase a cabo o venres 25 de maio, e nela participarán os rapaces de 3º e 4º de primaria do CEIP de Celeiro. Ás 11:00 h. Visitarán a granxa de corais Reef Water Coral Farm, ubicada en Magazos.
O día 28 de maio, os alumnos de 3º e 4º de primaria do CEIP Manuel Fraga Iribarne de Cariño, visitarán ás 11:30 h. a Fábrica de conservas La Pureza, que está ubicada na mesma localidade.
Mais información no seguinte enlace: http://maresdecultura.es/comeza-mares-de-cultura-os-nenos-e-o-mar-2018/
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
