Mondoñedo, 18 de maio de 2018.- O proxecto elaborado polo Concello de Mondoñedo para a dotación dun aparcadoiro detrás da Igrexa Nova obtén o informe favorable da Dirección Xeral de Patrimonio, que autoriza as obras previstas, que permitirán un importante número de prazas para o uso de vehículos, preto dun centenar, cumprindo así os requisitos da Xunta.
A administración local mindoniense redactou un proxecto co que busca mellorar a convivencia entre peóns e vehículos grazas a ampliación de prazas de aparcamento no casco histórico. Con esta finalidade, o Goberno mindoniense adquiriu dúas fincas, unha en Casas Novas, xunto a coñecida como finca de Jesús Rivas, ás que se suma a cedida pola Xunta de Galicia no recinto da Granxa, ao lado de Igrexa Nova.
Proxecto respectuoso co enclave
A alcaldesa de Mondoñedo, Elena Candia, explica que se trata dun proxecto redactado no mes de xaneiro e cuxa autorización de Patrimonio condicionou o proxecto inicial. O departamento de Xunta de Galicia recoñece a necesidade deste novo aparcadoiro coa finalidade de eliminar o estacionamento dos vehículos nas rúas do casco histórico, que presentan un trazado medieval, estreitas e dun único sentido.
Así a rexedora precisa que o proxecto que conta co informe favorable de Patrimonio establece o coidado da topografía das fincas afectadas sobre as que se creará o aparcadoiro, respectando muros, cómaros e vexetación. Ademais, o referido proxecto tamén inclúe a colocación de elementos vexetais de arboredo e unha pérgola na parcela pegada á igrexa Nova. Do mesmo xeito, no proxecto redúcese o ancho dos viarios, consérvase o muro de peche e as dúas construcións serán rehabilitadas.
O Concello adquiriu as fincas e redactou o proxecto e Fomento contrata as obras
A rexedora explica que este é o último trámite que deberá levar a cabo o Concello. Tras adaptar o proxecto ás indicacións de Patrimonio, este será remitido ao Ministerio de Fomento xunto coa autorización concedida. Candia lembra que esta actuación se acomete en virtude dun protocolo asinado co Ministerio de Fomento para a posta en valor do casco histórico. Así, o departamento do Goberno central será o encargado de contratar as obras, mentres que o Concello adquiriu as dúas fincas sobre as que se realizarán as actuacións, ademais de asumir a redacción do proxecto.
Por último, a rexedora remarcou que se está a dar un paso “importantísimo” para a cidade, que permitirá avanzar na posta en valor do casco histórico, así como nunha organización fluída do tráfico rodado.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
