Barreiros 10-5-18. Representantes de establecementos do sector hosteleiro do concello barreirense veñen de reunirse recentemente coa finalidade de poñer en marcha unha asociación que integre establecementos como son os hoteis ou pensións-residencias, cámpings, casas de turismo rural, restaurantes, bares e apartamentos turísticos, localizados no termo municipal de Barreiros.
Esta iniciativa nace coa finalidade de mellorar o desenvolvemento turístico deste municipio da Mariña Lucense, e procurar a entre outras, a desestacionalización da demanda. A procura de captación de turistas en orixe, mellora da promoción e dos recursos existentes, visibilización de alternativas na oferta, realización de eventos ou atracción de visitantes, son algunhas das cuestións xa abordadas nas reunións realizadas ata o momento, e ás que a entender das persoas participantes, cómpre dar resposta. Do mesmo xeito, enténdese tamén que a colaboración interna será positiva para o sector.
Coa finalidade de avanzar cara a un colectivo formalmente constituído, as persoas promotoras desta iniciativa convidan a aquelas que poidan estar interesadas e que rexenten un dos establecementos turísticos do tipo dos anteriormente citados, a unha reunión que terá lugar o vindeiro luns, 14 de maio ás 17:00h. no Centro Sociocultural de Barreiros. Do mesmo xeito, calquera consulta previa pode ser dirixida ao enderezo hosteleriadebarreiros@gmail.com, creado como canle de contacto deste novo colectivo. Infórmase tamén que este novo colectivo conta xa con perfís nas redes sociais de Facebook e Instagram baixo o nome “Hostelería de Barreiros”.
Unha nova edición que está organizada pola Asociación Clásicos Mindonienses Mira e Anda e que conta coa colaboración do Concello de Mondoñedo, o Concello de Abadín e os locais de hostalería Finca San Antonio, Perlora e A Taberna da Galiana de Mondoñedo.
Os feitos delituosos tiveron lugar a pasada fin de semana, cando o presunto autor tentou acceder ao interior das instalacións da piscina municipal, ocasionando danos á porta de acceso por un valor de 600 euros. No marco da investigación procedeuse á súa detención ao constarlle unha requisitoria en vigor dimanante do Xulgado do Penal nº 1 de Lugo de detención, comparecencia e ingreso en prisión. A persoa detida foi trasladada para o seu ingreso no centro penal de Bonxe.
Con esta iniciativa, aberta para todas as persoas nadas en 2018 ou en anos anteriores, búscase incentivar á práctica deportiva á vez que poñer en valor uno dos enclaves naturais do municipio. A actividade desenvolverase en horario de mañá de 10:00 a 14:00 horas, e conta cun número limitado de prazas. Por iso, será necesario realizar unha inscrición gratuíta a través dun formulario dispoñible nas redes sociais do Concello. O prazo de inscrición estará aberto ata o luns 2 de xuño ás 14:00 horas. As prazas iranse adxudicando por orde de inscrición.
Esta interiorista ofrece os seus servizos a persoas que senten que a súa vivenda xa non encaixa con elas, que lles gustaría facer cambios pero non saben por onde empezar ou que están a piques de entrar nun domicilio novo e se estresan só de pensar todo o que hai que decidir.
Os feitos iniciáronse o pasado martes, cando unha patrulla identificpi a unha veciña de Cervo, de 32 anos de idade, a cal, ao observar a presenza dos axentes apeouse do vehículo que conducía, permitindo que o seu acompañante continuase o traxecto. A maneira de actuar de ambos levanto as sospeitas dos axentes, polo que se procedeu a identificar aos dous ocupantes do turismo, comprobando que a persoa que inicialmente o conducía nunca obtivera permiso de conducir algún. Transcorridas menos de 24 horas e, paradoxalmente no mesmo lugar, observouse a un veciño de Mondoñedo de 51 anos de idade, o cal conducía un vehículo malia constarlle unha perda de vixencia do permiso de conducir por esgotamento de puntos. As dilixencias policiais foron remitidas ao Xulgado de Instrución de Garda de Mondoñedo.
É a 15ª edición que, nesta ocasión, se celebrará as fins de semanas do 16-17 de maio (na zona de Abrela, Folgueiro e San Román) e do 23 e 24 de maio (na zona de O Vicedo). Unha oportunidade de probar as especialidades dos restaurantes e cafeterías locais e de participar nun sorteo de 2 pranchas de asar. Os establecementos participantes entran no concurso ao mellor pincho que será votado exclusivamente polos clientes que acudan mediante voto directo en urna con cada pincho que terá un prezo de de 4€.
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
