Como alcalde de Foz sinto dicir que estou decepcionado coa oposición. Síntome traizoado por unha oposición que este xoves demostrou ter pouco cariño ao pobo e demasiada ambición electoral.
Teño que recoñecer que foron tres anos de intenso traballo negociador, cedendo e buscando acordos, conciliando e pactando, sempre en beneficio do pobo; e dou fe de que se notou porque ademais somos un exemplo de goberno en minoría. Pero son tres anos tirados pola borda porque agora hai uns grupos da oposición que están pensando única e exclusivamente nas eleccións do 2019.
Que lle pasou ao BNG de Lorena Seivane que durante estes tres anos, tal e como dixo no debate da investidura, ían estar á altura das cousas importantes de Foz? Por que agora se tiran do barco? Teñen complexos na asemblea escura que move os fíos do Bloque? Un Bloque que inicialmente, durante estes tres anos, foi construtivo e moderno, por que pasa agora a ser o Bloque de sempre, o Bloque pesado e antigo? Por que pasan de ser necesarios e importantes na corporación de Foz a ser a cola do PSOE e da Plataforma na oposición e ser cuarta forza política? A quen lle hai que preguntarlle, á señora Seivane ou ao señor Fanego, por que cambiaron de actitude agora que está rematando a lexislatura?
E que dicir de Foz Plataforma de Futuro, FPF, agora Mareas e Podemos, de independentes do señor Sixto pasan a ser sumisos do PSOE, do señor noexisto. Simplemente FPF decepcionantes.
Remato co PSOE sanchista do señor Cajoto, un descoñecido que manexa desde Sevilla un PSOE descabezado e sen rumbo, mutilado, nas mans da súa ex secretaria e do incombustible señor Moncho Candia.
Amigos e veciños de Foz, estes son os que so seu voto en contra impiden que saia a concesión do novo xeriátrico, son os mesmos que co seu voto en contra impiden que se faga a canceira e que se urbanice a nova rúa de Fonte da Cruz. Estes, os señores da oposición, son os que cos seus votos están bloqueando e impiden que se faga un plan de emprego no verán ou se suplementen os servizos tan necesarios na época estival, e loitan contra o avance turístico do noso concello. Son os mesmos que se negan á compra de instrumentos á Escola de Música e ás subvencións para o club de ximnasia Areoura ou mesmo para a Batukada e Mar Aberto, que estaban sen subvencións e nestes orzamentos si os levaban.
Amigos e veciños de Foz, informámolos de que o PSOE, Foz Plataforma de Futuro e BNG pechan o Concello por eleccións.
Javier Jorge Castiñeira (alcalde de Foz)
A alcaldesa, Marta Rouco, e a concelleira Paula Vigo destacaron que esta iniciativa busca dinamizar os domingos de feira e dar visibilidade ao traballo artesán. As inscricións poden realizarse ata o 26 de abril, cubrindo o formulario dispoñible en vilalba.gal/novas e enviándoo a feiras@vilalba.es xunto coa documentación requirida. Para consultas, está dispoñible o teléfono 982 51 03 05.
A representación desenvolverase na praza do mosteiro, na igrexa e nos espazos exteriores habituais para escenas como o xuízo ante Pilatos, o horto e a crucifixión. Participarán a Garda Pretoriana de Lugo, a Percussio Praetoria e o grupo Galiclasic, nun evento recoñecido como Festa de Interese Turístico Rexional e no que colaboran arredor de cen persoas.
O Concello de Cervo convida a toda a veciñanza a participar no novo Guateque de Arruguiñas, unha proposta pensada para fomentar o encontro interxeracional, a convivencia e o lecer compartido. O evento celebrarase este martes, 31 de marzo, ás 19:30 horas, na Casa do Mar de San Cibrao. A xornada incluirá actuación musical, bingo e chocolate, actividades organizadas polo alumnado de 2º de Bacharelato en colaboración coa Oficina de Voluntariado Xuvenil e a Asociación de Xubilados Terramar. O Concello anima a participar e desfrutar dunha tarde especial de convivencia e diversión.
O luns 30 de marzo ás 18:00 horas darán comezo as visitas guiadas polo casco histórico de Viveiro, conducidas polo historiador Xesús Martínez e organizadas polo CCHV coa colaboración da Xunta de Cofradías da Semana Santa. Antes da primeira visita, ás 17:30 horas, realizarase unha breve presentación na Praza Maior, diante da porta do Concello. No acto participarán José Veiga, en representación da Xunta de Cofradías, Cristina Rodríguez, presidenta do CCHV, e o propio Xesús Martínez.
O alcalde, Pedro Fernández, salientou o seu impacto turístico e deportivo. A edición inclúe un atractivo especial: a Concentración da Selección Española OPEN, que adestrará en Tapia do 1 ao 6 de abril. O Goanna Pro é a segunda proba da Liga PRO, garantindo un nivel competitivo máximo. Datas: Semana Santa 2026. Lugar: Praia de Anguileiro. Destacado: Concentración da Selección Española (1–6 abril).
O delegado destacou a consolidación do evento como referente cultural na Terra Chá. O festival contará con Caamaño & Ameixeiras, Ulex e La Txama, ademais de actividades lúdicas. A cita será no campo da feira de Gontán, con entrada gratuíta.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
