Barreiros 7-6-18. Levamos xa 12 xoves, ou sexa, 3 meses concentrándonos aquí na Praza do Concello. 3 meses nos que xa pasou de todo, menos subir as pensións, pasou de todo: negociaronse e aprobáronse inicialmente os Presupostos do Estado, houbo unha moción de censura, marchou un presidente do goberno e proclamouse outro presidente.
O presidente saínte non fixo moito caso das nosas reivindicacións. Ao mellor ese foi, entre outros, un dos motivos polo que tivo que marchar e polo que o Congreso lle retirou a confianza.
Decíamos o pasado xoves que o agora xa ex-presidente pretendía facer ouvidos xordos ao clamor social que exixe pensións dignas, e que quería vendernos un acordo partidario que recolleron nos Presupostos do Estado aprobados inicialmente no Congreso dos Deputados nos que incluiron unha raquítica suba das pensións, coma se con eso se solucionaran os graves problemas que trouxeron as reformas de 2011 e 2013 e as conseguintes políticas económicas e sociais aplicadas.
Pois ben, que o novo Presidente vaia tomando nota e apuntando na súa axenda as nosas reivindicacións:
– derrogación das reformas laborais
– aprobación dunha nova lexislación laboral e social que restitúa os dereitos perdidos como consecuencia das reformas anteriores
– pensión mínima igual ao salario mínimo interprofesional
– recoñecemento do dereito á xubilación ordinaria aos 65 anos
– establecer a actualización anual das pensións en base ao IPC
– blindaxe do sistema público de pensións
– pensións dignas e con poder adquisitivo
Tamén decíamos o pasado xoves, xusto cando se estaba debatendo a moción de censura no Congreso, que fose cal fose o resultado da mesma, e fose cal fose o presidente electo, a nosa postura ía ser a mesma, porque nós estamos mobilizándonos todos os xoves por moito mais ca por unha suba raquítica e puntual das pensións, estamos aqui para exixir un Sistema Público de Pensións que garanta unhas pensións dignas para todas e todos. Para quen a cobra hoxe e para quen a cobre no futuro.
A solución non está nos Orzamentos do Estado, está na derrogación destas reformas das pensións e a eliminación da política económica e laboral das reformas laborais, que xeran pobreza e explotación laboral.
E goberne quen goberne, o que nos tenen que garantizar é a blindaxe do sistema público de pensións, por eso hoxe que se está estrenando un novo goberno saímos á rúa de novo para que non se esquezan de nós nin nos adormezan os sentidos con palabras bonitas.
Por todo eso, temos que seguir na loita.
Colectivo de Xubilad@s e Pensionistas de Barreiros
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
