Burela, 18 de xuño de 2018. Hoxe presentáronse as escolas deportivas municipais de verán que organiza a Concellería de Deportes de Burela e que se desenvolverán do 2 de xullo ao 24 de agosto. A inscrición ábrese o vindeiro luns, día 25 de xuño. Haberá patinaxe, multideporte e xogos tradicionais, rutas en bicicleta, baloncesto e xogos na praia. No acto celebrado esta mañá participaron o alcalde, Alfredo Llano, o técnico de Deportes, Iván Cao “Lucas”, e o concelleiro de Deportes, Ramiro Fernández Rey.
O edil burelés anunciou que “hoxe presentamos as escolas deportivas de verán no Concello de Burela. O obxectivo é primeiro que o deporte siga practicándose durante todo o verán en Burela, e eu penso que esta iniciativa axuda a que iso se cumpra, e tamén axudar un pouquiño á conciliación familiar dos papás e das mamás que teñen que traballar. Nosoutros con estas actividades intentaremos que os nenos estean entretidos e que teñan actividade física durante as mañás”.
Ramiro Fernández engadiu que “as inscricións poderanse facer na Casa da Xuventude a partir do luns, día 25, ata o xoves 28, e este ano contamos con actividades como poden ser patinaxe, multideporte, rutas en bicicleta, baloncesto e xogos na praia. Penso que é un programa atractivo, e os horarios de luns a venres van ser de 10:15 a 11:30 horas un grupo, de 11:30 a 12:45 horas outro grupo, e de 12:45 a 14:00 horas outro grupo”.
O concelleiro de Deportes subliñou que “este ano como novidade puxemos unha pequena taxa de 6 euros de inscrición para os nenos porque tíñamos un problema de que había moitos que se apuntaban e despois non asistían ás clases. Entendemos que con esta medida imos intentar evitar dentro das nosas posibilidades que isto suceda, porque había nenos que quedaban fora das actividades precisamente porque outros que se apuntaban por norma a todas as actividades e logo non asistían. Esperamos que se palíe un pouco este problema con esta pequena taxa de 6 euros que vai ser totalmente reinvertida no que van ser actividades”.
Ramiro Fernández Rey quixo “animar a todos os nenos e nenas que queiran facer deporte durante o verán, que o Concello de Burela estará aí para darlles a posibilidade de facelo”.
Nas escolas deportivas de verán do Concello de Burela poderán participar todos os nen@s nad@s entre os anos 2006 e 2012. Estableceranse grupos de 5 a 7 anos, de 8 a 9 anos e maiores de 10 anos.
En todas as actividades hai un máximo de prazas. O grupo de 5 a 7 anos contará con 15, e os grupos de 8 a 9 e maiores de 10 anos con 20 prazas cada un. A adxudicación de prazas farase por rigorosa orde de inscrición, sempre que se cumpran os requisitos. A partir do 28 de xuño poderán achegarse ao Concello e á Casa da Xuventude para comprobar se están admitid@s.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
