Ribadeo 08, xuño, 2018. Os deputados no Congreso e no Parlamento de Galicia, Daniel Vega e Jaime de Olano, puxeron en valor este venres na reunión que mantiveron con hostaleiros e comerciantes de Ribadeo o traballo destes empresarios para reinventarse e obter a Q de Calidade Turística, que outorga o Instituto para a Calidade Turística Española.
Deste xeito, os deputados proseguiron coa rolda de contactos e de reunións que veñen mantendo ao longo dos últimos meses con distintos sectores da comarca, así como de compañeiros do Partido para escoitar a súas demandas e trasladalas ás administracións con competencias na materia.
En total, na Mariña 12 establecementos e 5 praias contan con este distintivo, que certifica que cumpren con esixentes criterios de seguridade, rigorisidade, e profesinalidade na xestión e nos servizos que ofrecen, dende a limpeza e recollida selectiva de residuos á seguridade, salvamento e primeiros auxilios, os servizos de información, os hixiénicos, ós accesos á zona de baño, etc.
Son os seguintes: Restaurante A Mirandilla, Hola Ola Ribadeo, Casona de Lazurtegui, O Cabazo do Zacurro, Parador e o Real Club Náutico, de Ribadeo; Finca Goleta e Valraíña, en Foz; Hotel Ego e Hotel Urban, en Viveiro; Viajes Eroski, en Burela; e Hotel Vila do Val, en O Valdouro. As praias que tamén dispoñen desta acreditación son A Rapadoira, en Foz; Area e Covas, en Viveiro; e Os Castros e As Catedrais, en Ribadeo.
Galicia, líder no número de distincións
Deste xeito, os populares destacaron que contar con este certificado supón ademais “estar nun lugar destacado a nivel turístico”, pois Galicia é a primeira comunidade de España en canto ao número de distincións. Ademais ocupa a segunda posición na cifra de certificacións en axencias de viaxes e en servizos de restauración.