A Mariña 08, xuño, 2018. “Os deputados e senadores do Partido cumpriron a súa palabra. Grazas á súa xestión a N-642 está en obras”. Deste xeito, o PP de A Mariña pon en valor as xestións realizadas polos representantes destas formación polítca durante o Goberno popular, destacando que foron decisivas para iniciar a mellora de dita nacional, así como para avanzar no impulso da A-74.
Deste xeito, consideran que o compromiso manifestado hai uns días polo voceiro do Partido Popular, José Manuel Barreiro, durante a visita realizada á localidade de Nois e na reunión mantida hai unhas semanas cos dirixentes de Adif, “converteuse en realidade”.
“Se hoxe vemos que a estrada está en obras e, sen lugar a dúbidas, grazas aos nosos compañeiros que xa fixeron un traballo previo para incluír a mellora das infraestruturas da Mariña no Orzamentos deste ano”, precisan.
Deberes para o PSOE
Por todo elo, o PP desta comarca agarda que os novos dirixentes da Moncloa “continúen cos trámites previstos para que A Mariña non quede esquecida en materia de comunicacións”. Neste senso, apelan á responsabilidade do novo Goberno, pois “os veciños desta zona non entenderiamos que se paralizasen as infraestruturas que os nosos compañeiros impulsaron e que permitiron corrixir unha débeda histórica con esta comarca”. Non obstante, adiantan, “manterémonos vixiantes. Dende longo un retroceso ou freo nos proxectos sería a estas alturas inadmisible”, insisten.
Traballo do PP
Os populares fan esta valoración porque, tal e como sinalara hai uns días o propio Barreiro, o Partido que representa iniciou dende hai tempo unha serie de contactos para que vías de comunicación como a nacional indicada sexan reformadas e corrixir así o estado intransitable que presentan. Proba delo, é que a principios de abril, e como medida más recente, o Grupo do PP no Senado rexistrou unha moción para defender os intereses dos mariñanos e dos lucenses en xeral.
Concretamente, en dita proposta instábase ao Goberno, presidido naquel momento por Marinao Rajoy, a proceder cos fondos necesarios o arranxo das estradas da provincia que están en peores condicións, así como o avance nos trámites administrativos para a execución das autovías que vertebrarán a provincia co resto de Galicia, coa Meseta, e incluso co norte de España. No caso da Mariña, incluíase a A-74, que vai de Barreiros a San Cibrao, e cuxo proxecto do primeiro treito Barreiros-Foz xa se atopa en redacción. Esta importante e demandada arteria de comunicación dispón nas contas deste ano unha partida de máis de 3 millóns de euros que irán destinados á aprobación e redacción dos proxectos para, posteriormente, licitar as obras dos treitos Barreiros-Foz-Burela e para o vindeiro ano case 30 millóns de euros para esta autovía.
No caso da estrada N-642, o importe forma parte dun lote que engloba outras vías das mesmas características na provincia, así como a instalación de novas medias antinéboa para a A-8, e que suma máis de 20 millóns de euros. A este respecto, este ano xa se habilitou unha partida de urxencia de 800.000 euros para reparar aqueles treitos que están en peores condicións. Asemade, noutra orde de investimentos, o voceiro no Senado tamén apuntou que, grazas ao importante paso que se deu coa aprobación das contas, o Estado inxectará 1,3 millóns de euros para a liña de ancho métrico Ferrol-Xixón.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
