A Mariña, 27 de xullo de 2018. A Federación de Comercio A Mariña solicita por primeira vez un Programa Integrado de Emprego por importe de 250.000 euros. Serán 100 persoas as que recibirán a formación, a través deste programa, cun 35% de inserción laboral.
Desde a Federación de Comercio A Mariña subliñan que “as obrigacións de reinserción laboral contan co respaldo dos 900 asociados e asociadas da FCAM e as obrigas financieiras estarán apoiadas por ABanca”.
A FCAM, que está formada por oito asociacións empresariais de sete concellos mariñáns: Foz, Ribadeo, Burela, Xove, Viveiro, Covas, O Vicedo e Lourenzá, considera que “reunimos os requisitos necesarios para poder poñer en marcha un PIE, Programa Integrado de Emprego, no que estarán implicados os sectores do comercio, da industria e dos autónomos. O seu ámbito de actuación serán estes sete concellos”. A Federación de Comercio A Mariña xera na actualidade 2.000 empregos directos e indirectos, segundo se pon de manifesto na memoria do proxecto presentado.
Entre o obxectivos deste PIE figuran: solucionar a carencia de socorristas na comarca; mellorar o sector turístico na Mariña; ofrecer formación ao comercio en materias transversais como informática, novas tecnoloxías, idiomas…; ofrecer formación en técnicas que melloren a motivación persoal para unha mellor busca de emprego; e prestar atención ás persoas desempregadas. A acción de intermediación sociolaboral ten por obxecto lograr a inclusión social das persoas desempregadas con especiais dificultades de inserción laboral axustado ás súas necesidades. Mediante a información, orientación e asesoramento, formación e prácticas laborais mellorarase a empregabilidade das persoas facilitando así a súa integración laboral e social.
A Federación de Comercio A Mariña ve un problema no sector turístico: “trátase da falta de socorristas nas praias. Os Concellos nos últimos anos están a ter moitos problemas para atopar profesionais que traballen durante o verán no nosos areais. E pensamos que é preciso buscar solucións para que este feito non volva a producirse”. De aí que dentro deste PIE proponse a realización de cursos formativos específicos, orientados a prácticas profesionais e posterior inserción laboral adaptadas ás demandas dos participantes e do sector empresarial da zona, que neste caso establece como prioritario o curso con certificado de profesionalidade: socorrismo en espazos acuáticos naturais.
Este Programa Integrado de Emprego tamén establece teleformación para satisfacer a demanda crecente das empresas do sector agroalimentario, con formación teórica e práctica. Con este PIE prepararase aos demandantes para inserción no pequeno comercio cara ás TIC e establecerase a realización de prácticas non laborais en empresas.
O carácter innovador do proxecto é o achegamento ao rural con formación e programación de actividades colectivas que favorecen a integración laboral e mobilidade laboral dentro dunha poboación dispersa e con dificultades de desprazamentos, dando a coñecer así alternativas incluso para o teletraballo ou para o autoemprego no rural. Nas accións formativas previstas empregaranse metodoloxías innovadoras e apoiadas na tecnoloxía e aplicación 2.0, como por exemplo a creación dun Wiki, as posibilidades que ofrece YouTube ou a creación dun SITE en Google.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
