Ribadeo, 31 de xullo de 2018.- A Consellería de Infraestruturas e Vivenda ten previsto iniciar este semana as obras de mellora da seguridade viaria e reforzo localizado do firme na estrada autonómica LU-133, entre as localidades de Reme (Ribadeo) e Vilamar (Barreiros)
O delegado territorial da Xunta en Lugo, José Manuel Balseiro, explicou que os traballos sobre o terreo iniciaranse previsiblemente este xoves, 2 de agosto, aínda que mañá mesmo está previsto proceder á sinalización da obra e a acometer diversos traballos preparatorios que son previos.
A empresa adxudicataria, Isidro Otero, actuará ao longo dos 11,15 quilómetros de vía distribuídos en dous treitos: Entre o PK 6+640 (glorieta de intersección coa LU-P-6103 a Trabada) a 14+300 (na entrada de San Vicente) e o PK 17+350 (intersección coa LU-P-5207 a Ribadeo) a 21+240 (final da estrada, na intersección coa N-640)
Os traballos consistirán na regularización da superficie actual do firme nos espazos mais deteriorados (fresados localizados) e na extensión dunha nova capa de rodadura en todo o ancho da plataforma.
Ademais está previsto a reposición da sinalización horizontal nos treitos afectados polas actuacións e colocación de ollos de gato e a substitución de barreiras de seguridade e instalación de novos treitos de barreiras.
Balseiro explica que a o proxecto inclúe un prazo de execución destas obras de catro meses, e avanza que o investimento previsto para estes traballos está próximo o millón de euros.
Con todo, esta obra completa unha executada nos primeiros seis quilómetros destas mesma vía e promovida nos anos 2015 e 2016, e que daquela supuxo un investimento adicional 485.000 euros, polo que investimento global do Goberno galego nesta vía será de preto 1,5 millóns de euros
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
