Ribadeo, 18 de xullo de 2018. Intensa axenda de actividades culturais do 19 ao 22 de xullo en Ribadeo. Mañá darán comezo as XVI Xornadas de Historia Local e o venres haberá o concerto de verán da Coral Polifónica de Ribadeo. O sábado inaugurarase unha exposición de Cris Andina no Forte de San Damián e pola noite o SonRock será o protagonista. E o domingo celebrarase o II Festival de Música Tradicional de Ribadeo.
O concelleiro de Cultura, Farruco Graña, anunciou que “desde este xoves, 19 de xullo, e ata o domingo 22 se van desenvolver varias actividades relacionadas coa música e coa historia local de Ribadeo. Desde a intensa relación de Ribadeo co mar, a través dos corsarios, os ingleses e calquera perigo ou acerto que puidera vir polo mar, ata a música coral, tradicional e rock, pasando polo mundo da escena galega, a través dunha exposición fotográfica de Cris Andina”.
O edil ribadense relatou que “o xoves, 19 de xullo, comezan as XVI Xornadas de Historia Local. Ás 20:30 horas da tarde terá lugar a conferencia A morte ven do mar. Corsarios, ingleses e pestes na Galiza cantábrica. Será na Casa do Mar en Ribadeo. A conferencia será impartida por Xoan Ramón Pacios, historiador e veciño noso de Foz, unha persoa licenciada en Xeografía e Historia pola Universidade de Santiago de Compostela, e que ten organizado as Xornadas de Estudos Medievais da Mariña Central, desde a súa primeira ata a súa sexta edición. Ademais foi comisario da exposición Foz e a súa historia, unha persoa preocupada polo mar e da que podemos ler artigos seus ao longo dos fins de semana, durante todo o ano, na prensa da Mariña”.
Farruco Graña dixo que “o venres, 20 de xullo, seguimos coas Xornadas de Historia Local, pero ese día a conferencia vai ser ás sete e media da tarde e levará por título Sistemas defensivos litorais no Cantábrico galego: fortes, fachos, trozos e corentenas, unha conferencia impartida por Xosé María Leal Bóveda, un investigador da USC. Ese día adiantamos a conferencia para que, ás nove menos cuarto, poidamos ir escoitar o concerto de verán da Coral Polifónica de Ribadeo, que será no auditorio Hernán Naval. Trátase do tradicional concerto de verán, que ademais ten un toque benéfico e solidario, porque as doazóns que fagamos todas as persoas que asistamos ao concerto irán destinadas aos fondos da Asociación Española de Loita contra o Cancro. Combinamos cultura, música e pracer con solidariedade”.
O concelleiro de Cultura adiantou que “o sábado, 21 de xullo, ás once e media da mañá no Forte San Damián reunirémonos para continuar coas Xornadas de Historia Local. Faremos un percorrido ata o Faro de Illa Pancha lendo textos históricos por parte de Elisa Pérez Vázquez, coordinadora do Museo Histórico de Sargadelos. Unha visita guiada que vai ser ben interesante, para poñer remate ás Xornadas de Historia Local que organiza, como sempre, a Agrupación Cultural Francisco Lanza. Ese mesmo sábado ás sete da tarde inauguraremos a exposición de plástica da fotógrafa ribadense Cris Andina que leva por título Outra pel, outro rostro. O mundo da escena galega, actores e actrices, que xunto aos seus personaxes pasan polo obxectivo fotográfico de Cris Andina. Convidamos a todos e todas a achegarse ese sábado ás sete da tarde ao Forte de San Damián. Un paseo e unha exposición, non hai mellor pracer en todo o verán. O sábado tamén, ás dez e media da noite, no parque de San Francisco xa co corpo un pouco máis cheo de ganas de marcha, poderamos escoitar aos Remakers, un grupo ben coñecido por todos e todas nós en Ribadeo, que abrirá o concerto SonRock Ribadeo nesta edición de 2018. Unha vez que rematen a actuación os Remakers, daremos paso aos coruñeses Tregua”.
Farruco Graña concluíu indicando que “o domingo, 22 de xullo, teremos o II Festival de Música Tradicional de Ribadeo organizado por A Ronqueta. O grupo Marbadás da Escola Municipal de Música e Danza de Ribadeo vai recibir como convidados á agrupación cultural Abelladeira, de Ponferrada, e Mistura, de San Cibrao. Ás oito menos cuarto comezarán un pasarrúas no Teatro de Ribadeo en dirección ao parque de San Francisco, onde vai ser o concerto que darán as tres agrupacións musicais tradicionais a partir das oito da tarde. Como ben se pode ver, música, cultura e artes plásticas, un montón de actividades esta fin de semana en Ribadeo para que ninguén de nós se aburra”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
