Lugo, 14 de setembro de 2017. O Deputado de Deportes, Pablo Rivera Capón, informou este venres que o Executivo Provincial aprobou en Xunta de Goberno premios de 105.000 euros ao Club Voleibol EMEVE, o Ensino CB, o CB Breogán e a Cristian Toro, pola súa pola súa excelencia, premiando o seu esforzo deportivo e os éxitos acadados na pasada tempada. Rivera Capón explicou que “facémolo porque, ademais de seres deportistas dun altísimo nivel, que xa teñen demostrado en competicións a súa capacidade deportiva, son os mellores embaixadores que a provincia pode ter. Todos os lucenses, estamos orgullosos de que estes profesionais leven o nome de Lugo e da nosa provincia por todo o territorio nacional e estranxeiro”.
Son un total de 105.000 euros en premios que se distribúen do seguinte xeito:
25.000 euros para o Club Voleibol Emevé polo ascenso á Superliga. É o equipo de referencia do voleibol da provincia de Lugo e que mantén unha aposta decidida pola canteira. Ademais do ascenso á Superliga, este ano lograron ser subcampionas na Copa Princesa, competición na se enfrontan os tres primeiros clasificados da Superliga 2 Feminina.
25.000 euros para o Ensino CB, polo ascenso á Liga Dia. Once tempadas despois, o Porta XI Ensino CB (Durán Maquinaria Ensino) regresa á máxima categoría do baloncesto español, a liga Día. Foron 15 vitorias consecutivas en Liga Regular, que lle outorgaban o 2º posto, e 4 máis na Fase Final de Valencia que lle concedían o ascenso a Liga Dia.
50.000 euros para o CB Breogán SAD polo ascenso á ACB. Cafés Candelas Breogán volve á elite do baloncesto estatal, 12 anos despois, tras o descenso de 2006. O club foi o mellor da fase regular da LEB Ouro, o que dá unha praza fixa de ascenso na liga ACB, coñecida actualmente como Liga Endesa, que é a principal liga de baloncesto profesional de España.
5.000 euros para Cristian Toro Carballo, por seren o único medallista olímpico da provincia en activo. Compite na disciplina de piragüismo na modalidade de augas tranquilas, é o deportista de maior relevancia singular por lograr un campionato olímpico. Gañou dúas medallas de prata no Campionato Mundial de Piragüismo de 2017 e dúas medallas de ouro no Campionato Europeo de Piragüismo de 2018.
550.000 euros para impulsar o deporte base
Rivera Capón explicou que o Goberno da Deputación está comprometido tamén co deporte base e co tecido asociativo lucense, xa que a través deles ademais de transmitirse valores tan importantes para unha sociedade como o esforzo ou a superación, impulsa a vida saudable e serve de dinamizador social nos concellos.
Por iso, durante o ano pasado, o Executivo da Deputación investiu de xeito directo máis de 550.000 euros para colaborar con preto de 260 clubs e entidades deportivas da provincia de Lugo, así como con 150 deportistas individuais, co fin de apoiar tanto aos propios deportistas, como aos Clubs, axudándoos a financiar custos por eventos que realizan así como os da propia actividade deportiva que realizan.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
