Foz, 29 de setembro de 2018. O Concello de Foz adxudicou a reorganización do parque de As Torres e as obras comezarán en outubro, cun orzamento de 142.659 euros. Anunciouno hoxe o alcalde focense, Javier Jorge Castiñeira.
“Adxudicouse á empresa Galitec por 142.659 euros a reorganización do parque de As Torres, de Foz. É unha zona que desde o equipo de goberno queríamos dinamizar e hai pouco fíxose o asfaltado de toda a urbanización e agora con esta actuación, encamiñada sobre todo aos máis novos, o que se pretende é mellorar unha zona que o necesitaba. Os traballos empezarán neste próximo mes e constarán dunha pista multideporte con céspede artificial, que estará no lugar que ocupa agora a pista de tenis; tamén haberá unha pista de skate con un foso e un rocódromo, onde está actualmente a pista de fútbol sala; e cambiaranse todos os xogos infantís”, explicou o rexedor municipal.
Javier Castiñeira engadiu que “é unha actuación importante de cara a levar á xuventude e a rapaces a unha zona que está ben urbanizada e que ten potencial para acoller este tipo de instalacións. Esta actuación está dentro do Plan Único 2018, financiando pola Deputación de Lugo, e era un dos proxectos que o Concello de Foz considerou necesarios para dinamizar varias zonas do municipio”.
O Concello de Foz adxudicou a reorganización do parque de As Torres. Construirase unha pista multideporte de céspede artificial, zona de skate, rocódromo e instalaranse novos xogos infantís
Relacionado
-
O Concello de Cervo e Alcoa impulsan o proxecto “Peace and Calm Hut” no patio do CEIP Península da Paz
-
Ribadeo regula o uso de caravanas e autocaravanas para garantir un turismo de calidade e protexer os espazos naturais
-
O PSdeG de Xove denuncia a falta de respostas do goberno local aos problemas da auga, a vivenda e os servizos municipais
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
