Viveiro 20-9-18. O Concello de Viveiro foi invitado a asistir ao I Foro Europeo Internacional sobre Celebración de Semana Santa e Pasión, celebrado en Lucena, Córdoba, a pasada semana. Ao longo dos dous días de duración tiveron lugar diversas charlas e ponencias, visitas e unha presentación de sete das Semanas Santas participantes, entre elas, a de Viveiro. Durante esta intervención, o Tenente de Alcalde Jesús Fernández Fernández deu a coñecer a comarca da Mariña e o noso concello, facendo referencia aos principais recursos turísticos e ao gran patrimonio existente, tanto civil como relixioso. A continuación, presentou a Semana Santa de Viveiro facendo referencia a súa orixe e idiosincrasia, explicando as razóns que a fan diferente e merecedora da distinción de Festa de Interese Turístico Internacional. A presentación concluíu coa proxección dun vídeo no que, entre outras cuestións, chamou a atención de forma especial o Encontro do Venres Santo e o Desencravo, polas imaxes articuladas e o realismo que estas lle confiren a ambos actos. En xeral, para os asistentes foi unha sorpresa descubrir que tan ao norte tiveramos unha Semana Santa tan bonita, con pasos tan grandes e tan antiga, á vangarda nas novas tecnoloxías e á altura de todas as presentes, que só no caso de Lorca, Orihuela, Granada e Viveiro contan co recoñecemento de Festa de Interese Turístico Internacional. Neste sentido, cómpre destacar a labor desenvolta nos últimos 15 anos polo Concello de Viveiro, pola Xunta de Cofradías e por cada unha das cofradías e irmandades que a integran, que lle deu un maior impulso á Semana Santa de Viveiro para acadar estas cotas.
Durante o desenvolvemento do foro, ademais, explicouse aos presentes o proxecto que a Asociación para el Desarrollo Turístico de la Ruta Caminos de Pasión pretende levar a cabo para crear un Itinerario Cultural Europeo vinculado á Semana Santa. Neste sentido, cómpre explica que “Caminos de Pasión” é unha iniciativa turística que compoñen dez municipios do centro xeográfico de Andalucía: Alcalá la Real (Jaén); Baena, Cabra, Lucena, Priego de Córdoba e Puente Genil (Córdoba); e Carmona, Écija, Osuna e Utrera (Sevilla); trátase dunha asociación que naceu en 2002 como froito da unión destes municipios cun elemento en común: una Semana Santa declarada Fiesta de Interés Turístico de Andalucía. A Semana Santa é o fio condutor para articular un producto de carácter cultural e etnográfico en torno ao seu patrimonio, gastronomía, festas, tradicións e artesanía.
Partindo disto, “Caminos de Pasión” iniciou unha rolda de contactos coas principais cidades nas que existen celebracións de Semana Santa cun impacto cultural e turístico reseñable, co obxectivo de construír unha gran rede organizada e orientada á promoción do turismo cultural a partir das expresións culturais e relixiosas q nos unen.
No foro explicouse que a idea é crear unha asociación para tramitar conxuntamente ante o Consello de Europa o expediente correspondente para a creación do primeiro Itinerario Cultural Europeo sobre Semana Santa e Pasión. O Programa dos Itinerarios Culturais foi lanzado polo Consello de Europa en 1987 coa declaración de Santiago de Compostela; actualmente, hai máis de 30 itinerarios culturais que abranguen unha ampla gama de temas (arquitectura, paisaxe, gastronomia, patrimonio inmaterial, arte, música…) e que supoñen unha garantía de excelencia.
Para obter esta certificación, o Consello de Europa esixe unha serie de condicionantes; unha destas premisas establece que no proxecto deben participar, como mínimo, tres países distintos. Neste caso, ao foro foron convocados representantes de celebracións de Semana Santa e Paixón de cinco países: Eslovenia, Malta, Italia, Portugal e España. Facilitouse un borrador dos estatutos da asociación que se pretende crear e un borrador da acta de constitución, que terían que aprobar os plenos de cada dun dos concellos. A esta asociación poderían unirse outro tipo de agrupacións de calquera punto de Europa -en Viveiro, por exemplo, podería integrarse a Xunta de Cofradías ou calquera unha das cofradías existentes- para, posteriormente, tramitar este proxecto de forma común. A creación dun Itinerario Cultural Europeo da Semana Santa e a Paixón permitiría obter fondos europeos para realizar diversos proxectos, como poden ser áreas de interpretación, redes museísticas, etc.
En definitiva, a asistencia do concello a este foro internacional sobre a celebración de Semana Santa e Paixón serviu como punto de encontro para relacionar e compartir experiencias e, así mesmo, para establecer as bases dunha asociación internacional que nace coa vontade de traballar para conseguir a creación dun Itinerario Cultural Europeo de Semana Santa no que Viveiro quere estar presente.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
