Visto o interese que os Plenos do Concello de Lourenzá espertan na locutora da COPE, Dona Juana Carrera, o equipo de goberno está estudando a posibilidade de modificar os horarios dos Plenos e celebralos ás 13 horas, coa finalidade de que o programa Costa Viva se poida emitir en directo desde o Salón de Plenos do consistorio laurentino.
O equipo de goberno agradece todos os consellos que a Sra. Carrera lles adica a través das ondas da emisora dos bispos, xa que en directo nin se molesta en saudalos nin en dirixirlles a palabra. De todos os consellos o que máis lles sorprende é o de que lle poñan unhas velas ao Conde Santo. Debe ser froito dos exercicios espirituais que seguramente realiza en tan católica emisora.
Está moi preocupada a Sra. Carrera pola candidatura socialista e polos próximas eleccións municipais. Pode estar tranquila, os socialistas laurentinos teñen canteira e fichaxes suficientes para presentar a mellor candidatura nas próximas eleccións, que por suposto encabezará unha vez máis a nosa alcaldesa.
É algo habitual que en datas próximas, anteriores e posteriores, á celebración da Festa da Faba, o PP laurentino se empeñe en embarrar e desprestixiar a celebración deste evento, intentando contrarrestar o éxito que ano tras ano ten esta festa que exalta a nosa afamada leguminosa.
Intentou, sen éxito, a Sra. Álvarez no último Pleno volver a xerar polémica coa xa superada dimisión do ex concelleiro de obras. Vese que non ten moitos temas que criticar do labor do goberno socialista.
Acusa a Sra. Álvarez nunha nota de prensa de que o Concello pagou unhas comidas sen factura. Sabe a voceira popular que iso sería un grave delito e que a súa obriga como concelleira da oposición é presentar unha denuncia. Por que non o fai? Será porque minte descaradamente?
Di a Sra. Carrera que os Plenos en Lourenzá son pouco produtivos. Por que non anima á oposición a traballar, a presentar mocións, facendo aportacións positivas que redunden en beneficio dos veciños e veciñas do concello?
O que queda claro para o equipo de goberno é que a Sra. Álvarez ten ultimamente moitos frontes abertos e non ten tempo para facer unha oposición seria e ten que apoiarse tanto no “compañeiro” nacionalista (así é como ela o nomea) como na sagaz reporteira da Conferencia Episcopal.
Equipo de goberno de Lourenzá
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
