Burela 29-9-18. O Pescados Rubén Burela FS subiu esta tarde a primeira vitoria da tempada, con 4-1 en Vista Alegre ante ElPozo Ciudad de Murcia, actual campión de liga. Os de Juanma Marrube foron ordenados en defensa, esixentes en presión e intensos en cancha contraria ante un rival dinámico e organizado que se adiantou no marcador, cunha excelente reacción laranxa, con 3-1 en tan só 2 minutos, no ecuador do primeiro acto.
Saíron en avalancha os de Juanma Marrube. Antes de cumprirse o primeiro minuto de xogo Pope, a pase de Renato, e R. Vargas intentaron sorprender a meta de Guillamón. Edu estivo moi atento ante as primeiras embestidas dos levantinos, con grande actuación ante Shimizu, no minuto 4, entre as máis destacadas, pero nada puido facer ante Cobarro (minuto 7, 0-1). Os da Mariña non se fixeron esperar. Renato, desde saque de esquina, igualou o marcador un minuto despois, cun balón que tocou na defensa murciana e desorientou o meta visitante. Pope conseguiu adiantar os burelenses poucos segundos despois, cun meteorito. Chegou a maxia de Matamoros; avisou por arriba despexando Guillamón coa xema dos dedos, pero o meta murciano nada puido facer segundos despois, de novo de estratexia. Aínda puido ampliar a fenda Hélder, no 15, recibindo ante Guillamón. Edu estivo de novo soberbio na recta final, freando a Cobarro por partida dobre.
No regreso á pista, a afinación de cara á rede seguiu estando ao lado dos locais. Renato subiu o 4-1 no 24 desde a frontal da área. Con posesión e perigo local, no 26, de novo o 12 laranxa, tivo o quinto ante Guillamón pero fóiselle desviado. Con dez minutos aínda por diante, Josema liderou o xogo de cinco dos murcianos en busca da remontada. Os de Juanma Marrube responderon coa mesma aposta no 33 abandeirados por Matamoros. Shimizu, no 35, puido recortar distancias a porta baleira cun disparo que se foi demasiado desviado, aínda que non xeraron demasiado perigo os de Josan González; o primeiro tiro a porta no que tivo que intervir o meta naronés foi no 37. Nunha tarde perfecta, Edu volveu exhibirse no 39, fronte a Paniagua, para manter o definitivo 4-1.
Ficha técnica
Pescados Rubén Burela FS: Edu, Renato, Pope, R. Vargas, Hélder, cinco inicial; tamén xogaron Luisma, Lucho, Juanfran, Pitero, Matamoros, Porto
ElPozo Ciudad de Murcia FS: Guillamón, Josema, Shimizu, Ricardo, Ismael, cinco inicial; tamén xogaron Gambín, Panigua, José Mario, Cobarro, Cámara, Nacho
Goles: 0-1, minuto 7, Cobarro; 1-1, minuto 8, Renato; 2-1, minuto 9, Pope; 3-1, minuto 10, Matamoros; 4-1, minuto 24, Renato
Árbitros: Abdulay Ndoho // Sarabia Eguiluz (Colexio Rioxano). Por Burela amarela a Renato (minuto 25). Por ElPozo amarela a Guillamón (minuto 12), José Mario
Incidencias: Partido correspondente á xornada 3 de Segunda LNFS disputado en Vista Alegre ante ao redor de 700 afeccionados/as.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
