Burela, 5 de outubro de 2018.- A Consellería de Política Social apoia cunha achega que supera os 93.400 euros o funcionamento da Unidade de Atención Temperá que, con sede na Casa do Mar de Burela, xestionan de xeito compartido oito concellos mariñáns: os de Burela, Xove, Cervo, Foz, Ribadeo, Barreiros, Alfoz e Lourenzá.
O delegado territorial da Xunta en Lugo, José Manuel Balseiro, resaltou que a colaboración da admiración autonómica fai posible a descentralización desta rede asistencial que contribúe a prestar una atención “integral e eficiente” aos nenos e nenas e ás súas familias “no seu entorno máis próximo”.
De feito, a Unidade de Atención temperá dá cobertura á practica totalidade dos municipios mariñáns dende o ano 1995 (dende o 2003 con sede en Burela) e atende a unha media de 100 casos ao ano.
Balseiro coñeceu de primeira man o funcionamento deste centro que ten como obxectivo apoiar o desenvolvemento de nenos e nenas de 0 a 6 anos que precisan de asistencia ou atención especial. A través dun equipo de catro profesionais, en logopedia, psicoloxía, pedagoxía e tamén en fisioterapia, a Unidade de Atención Temperá busca dar resposta o antes posible ás necesidades transitorias ou permanentes que presenten os menores con trastornos no desenvolvemento ou en risco de padecelos.
As derivacións das nenas e nenos usuarias deste servizo prodúcense tras unha avaliación pediátrica e, en moitos casos tamén, tras alertar da posible existencia dun problema ou indicios do mesmo desde os centros educativos.
A Xunta, da man dos concellos asociados, reafirma a aposta por un modelo de servizo fundamentado na prevención, na promoción da autonomía persoal e na inclusión social facendo posible acceder a estes servizos profesionais nos contornos naturais da vida dos nenos e nenas e sen necesidade de longos desprazamentos para recibir as correspondentes terapias.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
