A Mariña 7-10-18. Somos moitas as persoas que levamos meses traballando para organizar este evento nos concellos de Burela, Cervo, Foz, Barreiros, Alfoz, Valadouro, Mondoñedo e Lourenzá.
Trátase dunha competición entre os oito concellos da Mariña Central. Os equipos están en fase de formación, aínda que algúns xa están rematados, como o do Valadouro, con arredor de 50 veciños implicados e dispostos a levar ó seu concello ó máis alto da clasificación.
En cada concello temos “Capitáns” ou organizadores:
– Burela: Matías Nicieza, Mario Pillado, Bernardo Penabade, Alfonso Geada.
– Cervo: Rafa Blas.
– Foz: Andrés Teijeira.
– Barreiros: Tamara (Ollomao), Mari Paz (Coral Polifónica), Alfonso (Praias de Barreiros), Toño (Mar e Monte).
– Alfoz: Ángel Valea.
– Valadouro: Juan García.
– Mondoñedo: Manolo Barreira, José Antonio (O Pasatempo), Israel (Club de Fútbol), Manolo do Rincón, Ester Otero (Grupo Teatral Xoldra).
– Lourenzá: Javier Huertas.
Durante un mes, a final deste ano 2018, teremos as competicións, con catro probas:
– 24 de novembro, en Alfoz: Proba Cultural.
– 1 de decembro, en Burela: Proba Artística.
– 6 de decembro, en Foz: Proba de Fútbol Sala.
– 15 de decembro, en Mondoñedo: Xogos Populares.
Cada concello sumará puntos en cada unha destas probas e ó final saberemos cal dos oito é o gañador destas primeiras Olimpíadas. En cada proba haberá medallas para os gañadores e todos obterán un diploma pola súa participación.
Estamos na procura de xuíces, árbitros, xurados e colaboradores, para que a organización sexa o máis perfecta posible.
E, o máis importante, haberá rivalidade ben entendida, pero compañeirismo, deportividade, amizade… Todo o que manda neste tipo de acontecementos, organizados para unir, e non para separar, para crear grupo, para crear Mariña.
O noso especial agradecemento ós concellos de Burela, Cervo, Foz, Barreiros, Alfoz, Valadouro, Mondoñedo e Lourenzá polo seu apoio e a súa colaboración.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
