Lugo, 16 de novembro de 2018.- 14.958 mozas e mozos lugueses, con idades comprendidas entre os 6 e os 16 anos, están chamados a participar no programa de deporte escolar Xogade, financiado e promovido pola Secretaría Xeral para o Deporte da Xunta de Galicia.
O delegado territorial, José Manuel Balseiro, acompañado do xefe do servizo provincial de Deportes, Manuel Otero, ofreceron os datos máis salientables deste programa no que respecta á provincia de Lugo onde as diferentes competicións están distribuídas en seis agrupacións xeográficas diferentes: A Mariña, Terra Chá, Lucus, Lugo Sur, Montaña e Val de Lemos.
As distintas probas de Xogade desenvólvense ao longo do ano con competicións de carácter local, provincial e autonómico, con diferentes ligas e campionatos finais segundo cada caso. Os calendarios para cada unha das semanas publícanse na web https://xogade.xunta.gal
14 modalidades diferentes
A través desta iniciativa a administración autonómica, en colaboración coas federacións e agrupacións escolares da provincia, ofrece un programa moi completo con 14 modalidades deportivas diferentes: atletismo en pista, badminton, baloncesto, balomán, campo a través, duatlón, fútbol sala, multixogo, natación, orientación, patinaxe, tenis de mesa, voleibol e xadrez.
“Os nenos e as nenas de Galicia que son a nosa materia prima máis valiosa, deben elixir o seu camiño no deporte sen atender a criterios maioritarios ou minoritarios. A nosa oferta debe ser todo o ampla que sexa posible para non deixar a ningún rapaz sen a súa actividade física”-explicou Balseiro.
Na presente edición, un dos deportes que máis aceptación acadou foi o de orientación, no que hai máis de 400 inscritos. Neste deporte os participantes participan nunha carreira individual, contra reloxo e en terreo descoñecido, na que teñen que pasar por unha serie de puntos chamados controis, os cales están sinalados con exactitude no mapa, e situados no terreo mediante unha baliza. Os deportistas completarán o percorrido máis ou menos rapidamente dependendo da súa habilidade para interpretar o mapa e o seu nivel de condición física. Coma todos os anos as modalidades máis demandadas son as tradicionais: fútbol sala, campo a través e atletismo.
Máis de medio millón de euros de investimento
A importancia do programa Xogade para a Xunta de Galicia referéndase no seu peso orzamentario. O Goberno galego inviste, só na provincia de Lugo, máis de medio millón de euros en concepto da organización de actividades, transportes e seguros.
A Xunta garante os seguros deportivos para os rapaces entre 6 e 16 anos destinando 374.000 euros para 2018 nesta materia. Por outra banda, a Xunta tamén sufraga o gasto de transporte, para o que se dispón de preto de 500 autocares, e encárgase da organización das competicións, para tal fin destínanse 133.000 euros.
O programa Xogade vai dirixido aos centros de ensino, ANPAs, clubs, escolas deportivas municipais, agrupacións deportivas, asociacións etc. que o desexen. A Inscrición realízase a través da aplicación informática www.deporteescolargalego.com, que se atopa vinculada á páxina: deporte.xunta.gal
A modo de conclusión, o delegado explicou que con este programa a Xunta quere que as nenas e nenos medren con hábitos de vida saudables, entre os que a práctica da actividade física regular é un dos máis importantes. “Ademais de fomentar a actividade física entre as xeracións máis novas, o coñecido como deporte de base, garante que poidamos contar con bos atletas no día de mañá e, o que aínda é máis importante, a calidade de vida e saúde de todos”
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
