A Mariña, 28 de novembro de 2018. A Mancomunidade de Municipios da Mariña presentará mañá, xoves, no IES María Sarmiento de Viveiro o programa Catuxa de sensibilización sobre a violencia de xénero e igualdade entre mulleres e homes. Está destinado á poboación moza da comarca a través da coeducación, aprendizaxe transversal e unidade de xénero para a adolescencia.
O presidente da Mancomunidade, Alfredo Llano, anunciou que “mañá ás once e media no IES María Sarmiento de Viveiro imos facer algo que creo que é importante para A Mariña. Trátase da presentación do programa Catuxa que foi meritorio ao gañar o segundo premio dos plans Coopera da Xunta de Galicia, que está dotado con 25.000 euros”.
Llano lembrou que “ese proxecto, que foi moi recoñecido para dar o segundo premio, que está moi ben, de todos os que se presentaron en Galicia, consiste basicamente en facer un percorrido por todos os institutos, asociacións xuvenís e por onde se poida para sensibilizar sobre a violencia de xénero e a favor da igualdade. Agora coincide ademais co Día Internacional contra a Violencia de Xénero”.
O presidente da Mancomunidade explicou que “faremos unha presentación oficial do proxecto Catuxa diante dos alumnos do María Sarmiento como indicativo de que imos dedicar basicamente este proxecto aos rapaces máis novos, porque cremos que canto antes se sensibilice sobre este tema máis resultados positivos vai dar ao longo da vida”.
Alfredo Llano dixo que “é un proxecto ambicioso e moi ben dimensionado. Mañá será a presentación oficial na que daremos a coñecer os contidos do programa Catuxa e informaremos da súa posta en marcha. Pretendemos ademais crear un impacto na poboación da Mariña lucense desde a perspectiva da concienciación e sensibilización social sobre a violencia de xénero, que é o que pretendemos. Ademais coincide co mes contra a violencia de xénero, pero é algo do que hai que estar pendente e constantemente atentos todos os días do ano. Polo tanto canto mellor se faga neste senso, non soamente unha vez ao ano senón todos os días, moito mellor”.
O presidente da Mancomunidade de Municipios da Mariña fixo fincapé en que “imos intentar conseguir a participación de todos os grupos da poboación destinatarios e das entidades, asociacións e organismos que actúen no territorio da Mancomunidade. Polo tanto imos facer que este proxecto sexa o máis amplo posible, que chegue ao máximo de xente, creo que vai ser un acto bonito e, desde logo, importante cara ao futuro no que queda de curso ata que remate en xuño. Cremos que hai que darlle a importancia que se nos deu a nosoutros para concedernos o premio co programa Catuxa, e temos que rentabilizar, que quede a xente sensibilizada e que cumpramos os obxectivos para os que está destinado este proxecto”.
A Mancomunidade de Municipios da Mariña presentará este xoves, no IES María Sarmiento de Viveiro o programa Catuxa de sensibilización sobre a violencia de xénero e igualdade entre mulleres e homes
Relacionado
-
A Xunta impulsa en Ribadeo a celebración do foro ‘España Verde: un destino de calidade’ para reforzar a oferta turística da Mariña
-
Unha persoa falece en Mondoñedo tras caer coa súa bicicleta por un desnivel
-
UCIN denuncia un “abuso administrativo” do Concello de Ribadeo pola instalación dunha carpa informativa
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
