Burela 15-11-18. Rematando practicamente o actual mandato municipal, dende Compromiso por Galicia Burela cualificamos a xestión do PSOE como nula nos campos de promoción de emprego e tamén nos de alcance patrimonial do Concello.
Mais aló de subvencións de contratos temporais, na maioría doutras administracións, o Sr. Llano non fixo ren, para a política activa de emprego, nin para aumentar o patrimonio do Concello.
Dende CxG Burela vimos reclamando políticas que xeren emprego na nosa vila, mais o PSOE non parece ter maior prioridade que a de enfrontarse cos veciños polo pintado das rúas, tamén para saír en redes sociais ó non sabe escribir STOP. Por iso dende CxG en Colaboración co Deputado Jordi Xuclá interpelaremos ó ministro de fomento para saber a posibilidade seguinte:
Pode ADIF, ceder ó Concello de Burela os terreos da súa propiedade lindantes á estación do Tren?
Pode RENFE ceder ó Concello de Burela, tres vagóns de tren en desuso?
Compromiso por Galicia de Burela , considera prioritario que eses terreos sexan de uso municipal, para a creación dunha zona de ocio na parte superior e na parte inferior dunha posible zona comercial e de aparcamentos. De este xeito conseguiríase modificar e humanizar unha zona céntrica de Burela.
Do mesmo xeito pedimos información sobre a cesión de vagóns, para transformalos en unha incubadora de empresas e situalos na vía morta da estación, transformando a rúa da estación nun novidoso centro de negocios e asentando en burela posibles empresas de servizos e turismo.
Levamos catro anos perdidos no avance como pobo, sen máis xestión que administrar o que Burela ten, e nin esa. Compren medidas novidosas que aproveiten o potencial da nosa Vila, a estación é unha gran obviada dos gobernos de PP e PSOE mailo seu potencial. En maio CxG cambira isto, por iso xa damos pasos agora.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
