Celeiro, 16 de novembro 2018. O deputado de En Marea no Congreso, Miguel Anxo Fernán Vello realizou este venres unha visita ao Porto de Celeiro onde mantivo unha xunta coa dirección e personal do porto e co patrón maior da Confraría.
O parlamentar de En Marea afirmou que “o Porto de Celeiro, e tamén o de Burela, son dous importantes motores da actividade económica da Mariña. Veño como deputado por Lugo a escoitar e coñecer a actividade e iniciativas portuarias, así como a situación do sector pesqueiro de Celeiro, moi coñecido pola pescada”.
Temas de interese: Brexit, cotas pesqueiras UE e prezos da pescada
Fernán Vello tiña como prioritario preguntar ao sector pesqueiro pola súa avaliación e posición en relación ao borrador de Acordo acadado entre a UE e Reino Unido no Brexit no que atinxe á cuestión da pesca. “Interésanos o punto de vista da frota polo impacto que pode acarrear. O sucedido onte no Parlamento británico aporta moita incertidume. O pre acordo é un balón de oxíxeno para a nosa pesca dado que establece unha transición de dous anos, un respiro temporal para ir traballando cara algo estábel no futuro”.
Neste sentido, aportou o compromiso de En Marea para demandar ao Goberno Sánchez unha especial preocupación, control e vixianza e presión perante a UE para que a cuestión pesqueira estea omnipresente nas negociacións do Brexit, e informe en todo momento. Ademáis de periodos transitorios como pedía o sector pesqueiro, é importante lograr acordos estábeis no futuro para manter o acceso histórico de frotas europeas ás augas británicas”.
Ademáis, o parlamentar de En Marea interesouse pola avaliación en relación á proposta de TAC´s e cotas de pesca que fixo a Comisión Europea e que será analizada a vindeira semana polos estamos membros. Precisamente estes días produciuse a xunta entre o Ministerio e as CC.AA. Outro dos temas de interese do deputado de En Marea son os estudos científicos rigorosos sobre o stock da pescada e a situación da biomasa.
Resposta do Goberno: medre das importacións de Irlanda e prezos en Celeiro
O parlamentar de En Marea entregoulles a iniciativa rexistrada no Congreso en relación á brusca caída dos prezos da pescada no pasado mes de xullo, na que pedía ao Ministerio unha investigación sobre as causas desa rápida baixada de prezos que prexudicou ao sector pesqueiro.
Recentemente, nestes días, Fernán Vello recibiu resposta do Goberno na que indica que os prezos da pescada en maio, xuño e xullo estaban por riba de 3 euros/kg en Celeiro, e que a media estatal está algo por riba de 4 euros/kg, o que supón un recoñecemento da pior situación dos prezos en Celeiro. Ao tempo que pón de manifestó que os prezos das importacións de peixe de Irlanda andaban en torno a 2eu/kg. Factor que pode explicar a caída dos prezos da pescada na Mariña. Segundo o Executivo, as importación de Irlanda pasaron en 2016 dun 4,4% elevándose a un 11,85% en 2017, e en 2018 situáronse nun 34%.
O deputado de En Marea demandaba ao Goberno campañas de información para distinguir a pescada de Celeiro doutras de inferior calidade e ante as importacións doutro tipo.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
