Lugo, 21 de decembro de 2018.- A Xunta de Galicia vén de aprobar apoios por valor de 526.000 euros para impulsar os procesos de internacionalización de 24 pequenas e medianas empresas (Pemes) da provincia de Lugo.
O delegado territorial de Lugo, José Manuel Balseiro, explicou que este programa da Consellería de Economía, Emprego e Industria quere “facilitar as accións de promoción exterior, difusión ou prospección de mercados que melloren o posicionamento das empresas de Lugo no estranxeiro”.
Balseiro subliñou que as pemes “están realizando un importante esforzo neste sentido, e a Xunta colabora para que lles sexa máis doado este reto, que redundará en máis riqueza e emprego para Lugo”. As axudas, que tramita o Instituto Galego de Promoción Económica (Igape) en réxime de concorrencia competitiva, supoñen o 70% do investimento subvencionable realizado polos interesados.
O delegado sinalou que se da “un importante avance” en relación ao pasado ano, cun 26% máis de empresas lucenses beneficiadas por este programa, e un incremento do 61% tanto do gasto incentivable como da axuda concedida.
Nove das Pemes teñen a sede social en Lugo capital, dúas en Monforte, outras tantas en Cervo e en Castro de Rei, e tamén as hai de Sarria, A Fonsagrada, A Pobra de Brollón, A Pontenova, Ribadeo, Cospeito, Vilalba, Becerreá e Chantada.
Ofrecen produtos moi diversos, entre eles moda, viño, maquinaria agrícola, lousa, mobles e outros elementos de madeira, queixo, obxectos de porcelana, utensilios para a construción e a industria, ou servizos como o deseño web.
O delegado indicou que a Estratexia da Xunta de Galicia de Internacionalización da Empresa Galega 2020 procura o aumento do número de empresas da base exportadora, a busca e apertura de novos mercados, o apoio na ampliación de cota de mercados con menor presenza e maior potencial de crecemento futuro, e a consolidación de cota nos mercados maduros.
Neste sentido, lembrou que recentemente tamén se resolveu outro programa de axudas, mediante o que a Consellería apoiou con 152.400 euros a presenza de máis dunha vintena de pequenas e medianas empresas lucenses en sete feiras internacionais e a súa participación en misións comerciais directas no estranxeiro.
Estes apoios articuláronse a través da liña de axudas a organismos intermedios, en concreto a Asociación de Adegueiros e Transformadores do Miño (66.700 euros), a Asociación de Empresas de Xardinería (34.500 euros) e o Consello Regulador de Agricultura Ecolóxica (51.000 euros).
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
