Navia de Suarna, 10 de decembro de 2018.- A Xunta de Galicia investiu máis de 7,8 millóns de euros este ano en tarefas de mantemento e posta en valor da superficie forestal da provincia de Lugo.
O delegado territorial da Xunta en Lugo, José Manuel Balseiro, destacou este dato e explicou que a Consellería do Medio Rural aprobou 302 expedientes de subvención para titulares de montes e executou directamente 59 obras, tanto labores de limpeza do monte, podas e desbroces ou mellora de infraestruturas como pistas, puntos de auga ou cortalumes. No que respecta á inversión, o 63 por cento corresponde as axudas e o resto a obras propias.
Balseiro visitou hoxe os terreos da Comunidade de Montes Veciñais en Man Común de Virigo e os da Comunidade de Montes de Cociña, Tola e Trigal, no municipio de Navia de Suarna, beneficiarias dunha das liñas de axuda que xestiona a Consellería. Ao respecto, cabe subliñar que a maior parte do orzamento está destinado a montes veciñais en man común, que ou ben recibiron subvención ou teñen subscrito un convenio de xestión coa Xunta.
Tal e como explicou, o Goberno galego realiza este esforzo inversor para que a superficie forestal da provincia estea nas mellores condicións durante a época de alto risco de incendios, evitando ou minimizando os danos, “pero tamén para fomentar o aproveitamento sustentable do monte, porque o sector forestal pode ser un piar económico importante para esta provincia, e moi especialmente para as comarcas da Montaña, onde se realiza boa parte deste investimento”.
Neste sentido, Balseiro lembrou que o Servizo de Montes xestionou este ano 32 expedientes de obras por importe global de 1.683.000 euros, e delas máis do 58 por cento corresponde a proxectos executados total ou parcialmente nas comarcas dos Ancares e A Fonsagrada. En xeral, a representatividade destas comarcas nos outros programas de actuación sitúase entre o 25 e o 30 por cento.
Polo que respecta ao Servizo de Prevención e Defensa contra Incendios Forestais, realizou 27 obras de mellora de pistas, cortalumes ou puntos de auga, por importe global de 1.239.000 euros (o 28 por cento nos concellos dos Ancares e A Fonsagrada).
Programas de axudas
A Consellería do Medio Rural aprobou en Lugo 40 subvencións ao abeiro da primeira convocatoria de axudas da Consellería para a elaboración de instrumentos de ordenación ou xestión forestais. Significa un investimento de 800.000 euros e a ordenación de 26.000 hectáreas de monte.
Este programa ten por obxecto fomentar os instrumentos de ordenación nos montes. En concreto, estes fondos permitirán subvencionar a redacción dos instrumentos de ordenación tales como proxectos de ordenación, documentación simple de xestión, documentos compartidos de xestión e os documentos de adhesión masiva a modelos silvícolas. Preténdese así facilitar que os propietarios dispoñan dunha ferramenta técnica coa que organizar os seus recursos forestais e que garanta unha xestión sustentable do monte. A curto e medio prazo estes instrumentos serán imprescindibles para a realización de aproveitamentos forestais.
As tarefas silvícolas e de mantemento son promovidas mediante distintos programas de apoio aos titulares dos montes, que sumaron na provincia 262 expedientes e un investimento de 4.148.000 euros.
En xeral, realízanse accións de roza, poda e tratamento dos restos e, nalgúns casos tamén se financia a construción de puntos de auga. O obxectivo é previr os danos causados aos bosques por incendios, desastres naturais e catástrofes, e incrementar a capacidade de adaptación e o valor ambiental dos ecosistemas forestais.
Balseiro subliñou que a Xunta procura a valorización do monte galego “para que sexa un activo de importancia para os seus propietarios, produtor de rendas e servizos, ao tempo que mellora a estrutura forestal de Galicia e consolida a nosa paisaxe, fauna e flora”.
Na mesma liña, engadiu que os programas expostos dan lugar “a investimentos que se sitúan entre os máis cuantiosos que se teñen realizado no ámbito rural nos últimos anos” e demostran “a forte aposta da Xunta polo sector forestal”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
