Burela 1-12-18. O Clásico de Primeira quedou en La Estación co 5-2 para o Futsi Atlético Navalcarnero e a primeira derrota do Pescaos Rubén, nunha cita na que as mariñás mereceron máis antes do descanso. A pesar do resultado da xornada 10, o liderado segue tendo brillo laranxa, con vantaxe de 1 punto sobre as madrileñas.
Nunha cita moi equilibrada, foi o Futsi o que se adiantou no minuto 4 con Ari, nun centro ao segundo pau de Anita Luján. Contestou o Pescados Rubén empatando no minuto 13, nun gran gol de Peque gañándolle as costas á defensa local nun balón longo. Demasiado castigo para o vivido na primeira parte: Bruna subiu o 2-1 no 18 aproveitando un repregamento.
As laranxas non conseguiron a intensidade necesaria tras o descanso; o gol de Amelia, xa no minuto 24, de cabeza, desde saque de banda, fixo ferida nas filas burelistas. Sen ocasións claras para reducir distancias, Julio Delgado optou por xogo de cinco. Pero as locais ampliaron a fenda de penalti, de Ari, tras a expulsión de Cami. Nos últimos segundos, Amelia volveu ver portería con resposta de Luci para subir o definitivo 5-2, en roubo de balón.
Ficha técnica
Futsi Atlético Navalcarnero: Marta Balbuena, Ari, Leti, Ju Delgado, Amelia, cinco inicial; tamén xogaron Marta Pelegrín, Anita Luján, María Sanz, Bruna
Pescados Rubén Burela FS: Jozi, Dany, Cristina, Cilene, Peque, cinco inicial; tamén xogaron Jenny, Cami, Luci, Alves, Ana Romero
Goles: 1-0, minuto 4, Ari; 1-1, minuto 13, Peque; 2-1, minuto 18, Bruna Franklin; 3-1, minuto 24, Amelia; 4-1, minuto 36, Ari (penalti); 5-1, minuto 40, Amelia; 5-2, minuto 40, Luci
Árbitros: Celador Hernández // Cubero García. Por Futsi amarela a Ju Delgado (minuto 31). Por Burela amarila a Dany (minuto 37) e vermella a Cami (minuto 35)
Incidencias: Partido correspondente á xornada 10 de Primeira RFEF Liga Foro 16 Feminismo disputado en La Estación.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
