Santiago de Compostela, 04 de decembro de 18. A portavoz de Pesca do Grupo Socialista, Loli Toja, reclamoulle hoxe ao goberno galego que respalde ao sector pesqueiro na súa reivindicación para flexibilizar a obriga de prohibición de descartes e obriga de desembarque. Así o dixo na comparecencia da conselleira de Pesca, hoxe no Pleno do Parlamento, na que lle reclamou que atenda ás demandas do sector diante desta medida, que será aplicada en xaneiro.
Reclamou o apoio do goberno galego diante dos riscos desta medida drástica, que ao prohibir os descartes obriga a contabilizar todo o peixe que suba á cuberta, co perigo de ter que amarrar a flota de forma prematura por cubrir o cupo, así como problemas de espazo a bordo. A incidencia será maior, advertiu, nas pescarías mixtas, onde “poden vir especies de cota cero xunto coa especie principal”.
Reivindicou a posta en marcha de axudas para paradas temporais subvencionadas ao amparo do Fondo Europeo Marítimo e de Pesca –FEMP- atendendo ás demandas dos armadores, que en abril reclamaron o apoio do goberno galego diante dos recortes previstos para a pescada e que “a día de hoxe as axudas están sen se publicar”.
Esixiulle tamén ao goberno galego “anticipación” nas negociacións para defender “o mellor resultado posible para os intereses do noso sector” á hora das asignacións de cota pesqueira e diante dunha inminente redución no reparto. Propuxo presentar ditames científicos sobre a recuperación de especies como a xarda e especies que sofren os maiores recortes con peores consecuencias para Galicia.
Desleixo
A portavoz de Pesca do Grupo Socialista, Loli Toja, criticou hoxe o “desleixo” e falla de compromiso do goberno galego diante do inminente endurecemento da redución nas cotas pesqueiras por parte da UE. A responsable socialista lembrou que a Xunta deixou sen executar o 63 por cento do orzamento do programa de mellora da calidade da produción pesqueira e da acuicultura.
O escaso interese do goberno galego por investir o orzamento comprometido no programa que absorbe a maior parte do Orzamento da Consellería de Pesca, dixo, da a medida do interese por recuperar a actividade no sector. Toja lembrou que este desinterese levou a que 4.400 persoas deixaran de traballar na pesca entre o primeiro trimestre de 2017 e o primeiro de 2018, reducindo nun 21 por cento os ocupados nun só ano, e 4 de cada 10 dende 2009.
A responsable socialista sinalou que “non podemos continuar perdendo 1.000 traballadores do mar cada ano”, e reclamoulle ao goberno galego que tome medidas para volver a facer do mar “un recurso laboral viable para os galegos e as galegas”. Unha tarefa, dixo, que resulta “imposible mentres deixan no caixón, sen executar. 6 de cada 10 euros” dos que dispón a Consellería de Pesca para o sector.
Toja reclamou hoxe a implicación do goberno galego para acadar “un sector competitivo” a partir dunha “xestión sustentable dos recursos pesqueiros”. Reclamou en primeiro lugar que o goberno galego escoite as propostas do sector para ofrecer “solucións adaptadas a cada caso concreto” diante da inminencia da aplicación da obriga de desembarques, o próximo 1 de xaneiro.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
