Serán con este que remata, 16 anos informando ininterrompidamente. Crónica3 segue fiel ao seu compromiso de ofrecer un medio plural, directo e áxil. Todas as informacións teñen espazo neste dixital. Atendemos por igual a administracións, asociacións ou particulares. Os números avalan esta aposta, pecharemos 2018 cunhas 7.200 entradas de novas, o que se traduce nunhas 420.000 visitas recibidas. Estas cifras si poden acreditar que Crónica3 é o primeiro (por antigüidade e difusión) medio dixital da Mariña. O resto son bos propósitos, lexítimos, por suposto.
Acadar isto non é doado, require de moitas horas de traballo para que o lector de Crónica3 sexa o primeiro en saber do que sucede na comarca. Afortunadamente este esforzo é recompensado por moitos anunciantes que confían na chegada deste dixital para publicitar as súas empresas. Tamén as administracións locais agradecen este traballo constante enxertando mensaxes publicitarias nesta, humilde (nos medios) mais aguerrida nos resultados, web. O noso agradecemento é enorme, pois anima a seguir traballando. A gran maioría dos Concellos da Comarca, de todas as cores políticas, téñenos en conta. Mil grazas a todos eles!
Non podemos dicir o mesmo da administración que agrupa a todos os Concellos da provincia. Mentres outros medios que nin teñen a súa sede na provincia, ou que non arroxan nin de lonxe uns números semellantes aos de crónica3, si reciben o seu visto bo, para esta administración de todos os lucenses, crónica3 non existe. Dito doutro xeito, un medio que só informa do que sucede dentro da provincia, con domicilio na provincia, e que é xanela para milleiros de actos pequenos, avisos, ou informacións locais que non terían difusión doutro xeito, non merece a consideración daqueles que se supón traballan para a vertebración e dinamización da provincia.
Chega un novo ano. Con seguridade, crónica3 seguira aquí informándoo puntualmente, sexa ou non coa axuda dos que as reparten de xeito parcial.
Boas festas e feliz ano novo.
Félix Jorquera.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
