A Mariña, 3 de decembro de 2018. Esta fin de semana rematou a 7ª edición do Mes da Maxia, organizado pola Mancomunidade de Concellos da Mariña Lucense no marco do convenio firmado coa Axencia de Turismo de Galicia. Este ciclo, que combina maxia e gastronomía local e no que este ano participaron 19 restaurantes ao longo da Mariña Lucense e 6 magos diferentes, ven de confirmarse como un dos eventos escollidos polos mariñáns para saír xunto a amigos e familiares a disfrutar dunha noite diferente.
O Mes da Maxia é unha iniciativa que naceu no ano 2011 como elemento dinamizador e de promoción do territorio, que ao mesmo tempo busca favorecer a desestacionalización do turismo, ofrecendo un motivo canto menos diferente polo que visitar a Mariña Lucense. Tamén se trata dunha cita especial que os establecementos mariñáns lle brindan aos seus clientes habituais.
Este ano o Mes da Maxia celebrouse en 12 concellos da Mariña Lucense: Viveiro, Cervo, Foz, O Valadouro, Burela, Ourol, A Pontenova, O Vicedo, Ribadeo, Barreiros, Mondoñedo e Alfoz e en 19 restaurantes diferentes distribuídos ao longo destas localidades: O Asador, O Noso Lar, Casa Damián, Hotel Vila do Val, Buenavista, A Marquesa, A Garita, Casa do Fidalgo, Mis en Plas, O Rincón do Mis, restaurante Area Grande, O Cabazo, A Yenka, Texturas Galegas, A Penela, O Almacén, As Sirenas, Casa Franco e o Parador de Turismo de Ribadeo.
En canto aos magos, ademais de dous fieis a esta data como son Rafa e Teto tamén estivo presente a Asociación de Magos da Mariña Lucense da man de Pi, Kiko, Joge e Paredes.
Desde a xerencia da Mancomunidade de Municipios da Mariña, Tania Hermida, explica que “o Mes da Maxia que este ano comezou o 2 de novembro e rematou o 1 de decembro supuxo para a maioría dos establecementos participantes un cheo total. Os restaurantes participantes consideran esta cita unha oportunidade para, ademais de coidar aos clientes habituais que en moitos casos son os que ano tras ano xa demandan esta oferta, darse a coñecer entre o resto de mariñáns. Trátase dunha iniciativa que consideran moi boa nunha das épocas de menor actividade para o sector. O Mes da Maxia busca tamén a promoción da gastronomía local baixo o paraugas do destino A Mariña Lucense”.
O presidente da Mancomunidade de Municipios da Mariña, Alfredo Llano, que fai un balance positivo do VII Mes da Maxia, subliña que “tanto a oferta gastronómica dos restaurantes como as actuacións dos magos, polo xeral, foron do agrado das persoas que se decidiron a disfrutar desta cita. De cara ao próximo ano a Mancomunidade seguirá traballando para entre todos ofrecer un produto de calidade, distinguido e único. Tamén se procurará aumentar a promoción do Mes da Maxia no exterior e que cada ano sexan máis as persoas que vexan nesto unha escusa para visitar a Mariña Lucense no outono. Nesa liña seguiremos a traballar, en conseguir que cada vez veña máis xente a esta comarca durante o outono e o inverno”.
Rematou o sétimo Mes da Maxia, que organizou a Mancomunidade de Municipios da Mariña no marco do convenio firmado coa Axencia de Turismo de Galicia. A combinación de gastronomía e ilusionismo ten cada vez máis adeptos. Alfredo Llano fai un balance positivo desta cita
Relacionado
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
