Burela, 17 de xaneiro de 2019. A Fundación Expomar segue cos preparativos da vindeira edición da Feira Náutico Pesqueira, que terá lugar do 9 ao 12 de maio. O recinto feiral está case cuberto e o alcalde, Alfredo Llano, asegura que incluso podería aumentarse a superficie destinada a este importante evento. O rexedor e presidente da Fundación Expomar amósase satisfeito porque o Consello Galego de Pesca se reunirá en Burela o día 10 de maio, coincidindo coa celebración da feira. As Xornadas Técnicas serán o xoves, e o Encontro Empresarial e Consello Galego de Pesca o venres pola mañá.
Alfredo Llano explicou que “estivemos vendo que vai marchando bastante ben esta nova edición para o ano 2019 que vai ser do 9 ao 12 de maio. Onte falamos dos temas nos que queríamos traballar, sobre todo nas Xornadas Técnicas e no Encontro Empresarial e tamén estivemos facendo unha análise de cómo vai a cobertura de todo o recinto feiral. Agora mesmo xa está case cuberto. Incluso estamos pensando en aumentar un pouco os 3.500 metros que están en disposición, a ver se podemos chegar ata os 4.000, empregando un área que hai fora, pero que se pode pechar para dar maior facilidade á xente que queira vir aquí”.
O rexedor burelés dixo: “estamos moi satisfeitos de que o Consello Galego de Pesca veña facer aquí unha reunión, estará o venres. Ese día imos concentrar dúas cousas, que cremos que son moi interesantes, unha delas é o Encontro Empresarial, que será un pouco máis cedo que outros anos, imos empezar ás nove ata as once e media ou doce. Despois reunirase o Consello Galego de Pesca. Son dous eventos que se concentran o venres porque imos dar este ano un cambio ás Xornadas Técnicas que se ven pasar ao xoves, tres horas pola mañá e pola tarde a partir das cinco ata que rematen. Antes eran dous días, o xoves e o venres, e agora ao estar aquí o Consello Galego de Pesca imos facilitar que vaian visitar a feira. Imos facer a inauguración da feira o xoves, día 9, ás 13:30 horas”.
O tamén presidente da Fundación Expomar sinalou que “procuramos marcar os temas que imos tratar este ano na feira exposición, en cuestión de Xornadas Técnicas. Un deles vai ser sobre asuntos sociais, aquilo que realmente pode preocupar agora mesmo ao sector, e outro será sobre a xestión pesqueira. Falaremos da cabala, dos plans de xestión, dos descartes ou do Brexit, por exemplo. Imos facer unha reunión inmediatamente para ir contactando coa xente, o día 30. Imos procurar que estean todos os sectores representados, que sexan protagonistas e participen tanto nas Xornadas Técnicas como no Encontro Empresarial, para que saquemos un bo resultado para a comarca da Mariña, sobre todo para Burela. Creo que vai ser unha oportunidade moi grande para estar co sector e tratar todo aquilo que poida ser positivo, é do que se trata. Estamos traballando para que sexa unha boa edición da feira”.
Homenaxe a Benjamín González Quelle
Burela homenaxeará ao que fora cronista oficial do concello mañá, 18 de xaneiro. Alfredo Llano declarou: “quería lembrarlle á xente de Burela, e á da Mariña, que por algunha razón coñecían a Benjamín, que foi cronista oficial de Burela e cura párroco durante moito tempo aquí no noso concello, que mañá ímoslle facer unha homenaxe a partir das sete da tarde”.
O alcalde contou que “ás sete da tarde haberá unha misa na igrexa parroquial, e a continuación, ás oito, imos facer unha homenaxe con intervencións de persoas, con música, con vídeos e fotografías, no auditorio da Casa da Cultura”.
Alfredo Llano invita “a todo o mundo porque penso que é unha persoa que merece esta homenaxe, foi cronista, párroco durante moito tempo aquí en Burela e protagonista da historia de deste concello durante moito tempo. Polo tanto consideramos que esta homenaxe é merecida e canta máis xente poidamos estar aí moito mellor. Desta maneira eu quería invitar a todo o mundo que queira achegarse. É de agradecer que haxa xente que recoñece a labor desta persoa durante todo este tempo”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
