Lugo, 17 de xaneiro de 2019.- A Secretaría Xeral para o Deporte, a través da Fundación Deporte Galego, apoia aos deportistas de alto nivel da provincia de Lugo dentro do programa ‘Axudas DGAN’, que se enmarca no plan de axudas á preparación de deportistas galegos e galegas de alto nivel.
O delegado territorial da Xunta en Lugo, José Manuel Balseiro, apuntou que na provincia foron beneficiarias destas achegas no ano 2018 catorce persoas recoñecidas como deportistas de alto nivel en diversas modalidades: atletismo, loita e D.A., taekwondo, piragüismo, tiro olímpico, tríatlon e péntatlon moderno, boxeo e automobilismo. O importe conxunto das axudas é de 24.325 euros.
Esta última convocatoria contou nesta ocasión con seis tipos de axudas -Axuda DGAN 1, Axuda DGAN 2, Axuda DGAN 3, Axuda DGAN 4, Axuda DGAN 5 e Axuda DGAN 6-, que foron asignadas segundo os resultados deportivos acadados durante o ano 2017.
A maioría destas achegas acádanse por ser campións e campioas de España en categoría absoluta en proba olímpica, participar en Campionatos do Mundo de probas olímpicas ou acadar podio en campionatos do mundo en categoría absoluta de especialidades non olímpicas. Isto reflicte un claro aumento da excelencia deportiva galega, xa que subiu o nivel de resultados comparado con anos anteriores.
O delegado territorial gabou o traballo destes deportistas, “que cada día traballan a reo para dar o mellor de si mesmos nas competicións nas que participan”. Tamén lembrou que cando compiten ao máis alto nivel, “son o espello no que se miran os deportistas máis novos, ademais de exercer como embaixadores da provincia de Lugo, porque pasean o nome da nosa terra por todo o territorio nacional e por outros países”.
RELACIÓN DE DEPORTISTAS BOLSEIROS
Adrían Ben Montenegro
Atletismo
Miguel Ángel Colmenares Díaz
Tiro Olímpico
José Cuba Vázquez
Loita e D.a.
Beatriz Felpeto Rodríguez
Taekwondo
Tanía Fernández García
Piragüismo
Saleta Fernández López
Atletismo
Martín Freije Torneiro
Tiro olímpico
Aroa Freije Torneiro
Tríatlon e péntatlon moderno
Nicolas López Gredilla
Loita e D.A.
Miguel Martínez Quiroga
Piragüismo
Martiño Río González
Boxeo
Cristobal Rodríguez Fidalgo
Tríatlon e péntatlon moderno
Cristian Isaac Toro Carballo
Piragüismo
Diego Vallejo Folgueira
Automobilismo
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
