O Valadouro, 23 de xaneiro de 2019.- A Consellería de Medio Ambiente ten abertas tres liñas de axuda para colaborar cos agricultores e gandeiros que sofren danos provocados por especies silvestres. Suman en total máis de 1,4 millóns de euros destinados a paliar os danos que provocan as especies silvestres sobre os cultivos agrarios (no caso do xabaril) ou nas explotacións gandeiras (no caso do lobo), así como a impulsar a adopción de medidas preventivas.
A raíz das declaracións realizadas polo alcalde do Valadouro sobre esta materia, a Delegación Territorial lembra que estas convocatorias renóvanse anualmente e permanecen abertas durante meses para axilizar o acceso ás axudas.
En concreto, a última orde comprende axudas para os danos producidos polo lobo que se comuniquen desde o 1 de outubro de 2018 ata o 30 de setembro de 2019, e no caso do xabaril os que sexan comunicados desde o 1 de xaneiro de 2019 ata o 10 de outubro de 2019.
Ademais, hai unha terceira liña de apoios que consiste precisamente en sufragar os custos que se deriven da adopción de medidas de prevención por parte dos agricultores e gandeiros. Así, serán obxecto desta subvención a adquisición de cans defensores e protectores do gando, pastores eléctricos, mallas electrificadas, e como novidade, a instalacións de valados fixos electrificados e valados fixos con malla gandeira ou cinexética metálica, para prever os danos provocados por determinadas especies de fauna silvestre (lobo e xabaril).
Nese sentido, cómpre subliñar que entre as novidades que recolle a orde de axudas por danos de lobo figura que o importe das axudas incrementarase nun 10% no caso daquelas explotacións nas que se teña comprobada a aplicación de medidas preventivas fronte aos ataques, e que fosen avaliadas como adecuadas pola Comisión de valoración correspondente.
A liña de axudas de danos por lobo increméntase nun 25% respecto da anterior convocatoria e o orzamento total destinado é de 350.000 euros, mentres que a do xabaril comporta un importe de 811.000 euros e suma un 35% máis que o ano pasado. Para medidas preventivas destínanse 300.000 euros.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
